అందుకే అతడితో ప్రేమ విఫలమైంది, పెళ్లి జరిగుంటే విడాకులయ్యేవి: చార్మి

తెరపై కనిపించడం లేదనే వెలితి లేదు

మీరు చాలా రోజులుగా సినిమాల్లో నటించడం లేదు, ఆ లోటను మీరు ఫీలవ్వడం లేదా? అనే ప్రశ్నకు చార్మి స్పందిస్తూ.... ప్రస్తుతం నేను చేస్తున్న ఫిల్మ్ ప్రొడక్షన్ జాబ్‌తో సంతృప్తిగా ఉన్నాను. ఈ పని ఎందుకు చేస్తున్నాను అనే ఫీలింగ్ ఎప్పుడూ రాలేదు. ఒక వేళ మంచి స్క్రిప్టు దొరికితే తప్పకుండా నటిస్తాను అని తెలిపారు.

అతడితో ప్రేమ విఫలమైంది

ఇంకా పెళ్లి ఎందుకు చేసుకోవడం లేదు? ఎవరితోనైనా ప్రేమలో పడ్డారా? అనే ప్రశ్నకు స్పందిస్తూ.... ఇండస్ట్రికి చెందిన వ్యక్తితో ప్రేమలో పడ్డమాట నిజమే. రెండు విషయాల వల్ల ఆ ప్రేమ విఫలమైంది. ఒక వేళ మాకు పెళ్లి జరిగి ఉంటే ఆ రెండు కారణాల వల్ల ఇప్పటికే విడాకులు కూడా తీసుకుని ఉండేవారం అని చార్మి చెప్పుకొచ్చారు.

అతడు మంచి వాడే, కానీ

అతడు బ్యాడ్ గయ్ అని నేను అనడం లేదు.... అతడు చాలా మంచి వాడు, కానీ నేనే చెడ్డదాన్ని అని చార్మి తనదైన రీతిలో ఓ ప్రశ్నకు సమాధానం ఇచ్చారు. పెళ్లి చేసుకుంటే ఆ రిలేషన్ షిప్‌కు నేను న్యాయం చేయలేను, అతడికి సమయం కేటాయించలేను అని తెలిపారు.

నేను చేస్తున్న పనులను ప్రశ్నిస్తే సహించలేను

నా జీవితంలోకి ఒక కొత్త వ్యక్తి వచ్చి నేను చేస్తున్న పనులను ప్రశ్నిస్తే నేను సహించలేను. ఒకరికి సమాధానం చెప్పుకోవాల్సిన అవసరం నాకు లేదు. నాకు స్వతంత్రంగా ఉండటం అంటే ఇష్టం అని చార్మి చెప్పుకొచ్చారు.

పెళ్లి మీద నమ్మకం లేదు, జీవితాంతం ఇలానే

పెళ్లి చేసుకోవాలని అమ్మ ఎప్పుడూ నాపై ఒత్తిడి తెస్తూనే ఉంటుంది. కానీ పెళ్లిపై నాకు నమ్మకం లేదు. జీవితంలో పెళ్లి చేసుకోకూడదని నిర్ణయించుకున్నాను. బ్రతికినంతకాలం ఇలానే మా తల్లిదండ్రులతో ఉండిపోవాలని డిసైడ్ అయ్యాను అని చార్మి తెలిపారు.

చార్మి సినిమాలు...

జ్యోతి లక్ష్మి, మంత్ర 2 సినిమాల తర్వాత చార్మి పూర్తిగా నటనకు దూరం అయ్యారు. ప్రొడక్షన్ మీదనే పూర్తి ఫోకస్ పెట్టారు. పూరి జగన్నాధ్‌కు చెందిన ‘పూరి కనెక్ట్స్' సంస్థతో కలిసి సహ నిర్మాతగా వ్యవరిస్తూ రోగ్, పైసా వసూల్ చిత్రాలు చేసిన ఆమె ప్రస్తుతం ‘మెహబూబా' చిత్రానికి సహ నిర్మాతగా వ్యవహరిస్తున్నారు.