వరుసగా సినిమా ఆఫర్లు.. యాక్టింగ్ పై మరోసారి తేల్చి చెప్పిన ఛార్మి.. షాకింగ్ డిసిషన్!

ఆ సినిమాలతో బిగ్ హిట్స్

2002 నుంచి సినిమా ఇండస్ట్రీలో కొనసాగుతున్న చార్మి కౌర్ తెలుగులోనే కాకుండా తమిళం తెలుగు మలయాళం హిందీ సినిమా ఇండస్ట్రీ లో కూడా నటించింది. అయితే మొదట్లో మెయిన్ హీరోయిన్ గా కొన్ని చిన్న సినిమాల్లో నటించిన ఛార్మి ఆ తర్వాత పెద్ద సినిమాల్లో మాత్రం సెకండ్ హీరోయిన్ గా కొనసాగుతూ వచ్చింది.

చక్రం లక్ష్మి రాఖి వంటి సినిమాల్లో చార్మి పాత్రలకు మంచి గుర్తింపు లభించింది. నటిగా అయితే కొంతమంది దర్శకులు ఎంతగానో మెచ్చుకున్నారు. ముఖ్యంగా అనుకోకుండా ఒకరోజు, మంత్ర వంటి సినిమాలు ఛార్మీకి బాక్సాఫీస్ వద్ద కూడా మంచి ఇమేజ్ ను తెచ్చిపెట్టాయి.

గ్లామరస్ హీరోయిన్ గానే కాకుండా..

కేవలం గ్లామరస్ హీరోయిన్ గానే కాకుండా మంచి నటిగా కూడా చార్మి చాలా సినిమాల్లో తో గుర్తింపును అందుకుంది. అయితే ఆమె బ్యాడ్ లక్ ఏమిటో గాని పెద్ద సినిమాల్లో ఎక్కువగా అవకాశాలు అందుకోలేకపోయింది. ఒకవేళ వచ్చినా కూడా సెకండ్ హీరోయిన్ గా ఛాన్స్ లు వచ్చాయి. అంతేకాకుండా కొన్ని స్పెషల్ సాంగ్స్ లలో కూడా నటించింది.

ఆ తరువాత నటన వైపు తిరిగి చూడలేదు

అయితే ఇటీవల కాలంలో ఛార్మి కేవలం నిర్మాతగానే కొనసాగుతోంది. ఆమె పూరి జగన్నాథ్ దర్శకత్వంలోనే ఎక్కువ సినిమాలను నిర్మిస్తున్నారు. పూరి జగన్నాథ్ కూడా దర్శకత్వంతో పాటు సహా నిర్మాతగా వ్యవహరిస్తున్నారు. పూరి ప్రొడక్షన్ లో చాలా బిజీగా మారిన చార్మి నటన వైపు పెద్దగా ఆసక్తి చూపడం లేదు. జ్యోతిలక్ష్మీ, మంత్ర 2 తరువాత మళ్ళీ ఆమె నటనవైపు తిరిగి చూడలేదు.

షాకింగ్ డిసిషన్

ఇటీవల ఇచ్చిన ఇంటర్వ్యూలో ఛార్మి తన భవిష్యత్తు ప్రణాళికలపై కూడా ఒక క్లారిటీ అయితే ఇచ్చేసింది. ఆకాష్ పూరి నటించిన రొమాంటిక్ సినిమాకు సహా నిర్మాతగా వ్యవహరిస్తూ సినిమాను ప్రమోట్ చేస్తున్న ఛార్మి మళ్ళీ నటిగా కనిపిస్తుందా అనే విషయంలో కూడా కుండబద్దలు కొట్టేసింది. మళ్ళీ తాను నటిగా ఏ మాత్రం కనిపించకపోవచ్చు అంటూ.. ఇప్పటికి నటిగా చాలా ఆఫర్స్ వస్తున్నాయని చెప్పింది. అయితే తాను మాత్రం నిర్మాతగా బిజీగా ఉండడంతోనే సరిపోతున్నట్లు చెబుతూ మళ్ళీ నటిగా బిజీ అవ్వడం జరగదని తేల్చి చెప్పేసింది. లైగర్ సినిమాకు కూడా ఛార్మి సహా నిర్మాతగా వ్యవహరిస్తోంది.