'సైరా' ఇన్‌సైడ్ టాక్: ఇదీ జరుగుతోంది.. అందుకే చిరంజీవి ఆ లుక్?..

సెకండ్ షెడ్యూల్:

మొదటి షెడ్యూల్‌లో దర్శకుడు సురేందర్ రెడ్డి పనితీరు, షూటింగ్ రషెస్ సరిగా రాలేదన్న వార్త అవాస్తవమని తెలుస్తోంది. డైరెక్టర్‌ను మార్చే ప్రసక్తే లేదని, ఇప్పటికే రెండో షెడ్యూల్ కోసం అంతా సిద్దం చేసుకున్నారని సమాచారం.

కొత్త లుక్:

రెండో షెడ్యూల్ కోసం చిరంజీవి పూర్తిగా కొత్త లుక్‌లో కనిపించబోతున్నారని టాక్. అందుకే మీసాలను కూడా తీసేశారని అంటున్నారు. ఇటీవల మీసాలు లేని లుక్‌లో చిరంజీవి మీడియా ముందుకు రావడం దీనికి ఊతమిచ్చింది.

Chiranjeevi's 151 movie 'SAIRA' Motion Poster Released.

ఫిబ్రవరి 20 నుంచి..:

సైరా సినిమాలో పాత్ర కోసమే చిరంజీవి పూర్తిగా మీసాలు తీసేశారని తెలుస్తోంది. ఫిబ్రవరి 20 నుంచి చేయబోయే రెండో షెడ్యూల్ షూట్ కోసం ఇప్పటికే అన్నీ సిద్దం చేసుకున్నారని టాక్. హైదరాబాద్ లోని స్టూడియోలో వేసిన కొన్ని సెట్స్ తో పాటు, తమిళనాడులోని పొలాచ్చిలో కూడా కొన్ని రోజులు షూటింగ్ చేయనున్నారు.

నయనతార-చిరు సీన్స్ పిక్చరైజేషన్..:

ఇక సినిమా నుంచి నయనతార కూడా తప్పుకోవచ్చనే వార్తల్లోనూ నిజం లేదని తెలుస్తోంది. రెండో షెడ్యూల్ లో చిరంజీవితో పాటు నయనతార జాయిన్ అవుతున్నారనేది లేటెస్ట్ టాక్. మెగాస్టార్-నయనతార కాంబినేషన్ లో పలు సన్నివేశాలను రెండో షెడ్యూల్ లో తెరకెక్కిస్తారని సమాచారం. కాగా, 2019 ప్రారంభంలో ఈ సినిమాను విడుదల చేసేందుకు ప్లాన్ చేస్తున్నారు.