శ్రీదేవి చివరి చూపుకోసం వచ్చిన రజనీ, చిరు, వెంకీ ఇంకా స్టార్స్ (ఫోటోస్)

By Bojja Kumar

Published: Wednesday, February 28, 2018, 13:14 [IST]

దుబాయ్‌లో శ్రీదేవి మరణించగా మూడు రోజుల అనంతరం ఆమె భౌతికకాయం మంగళవారం రాత్రి ముంబై తీసుకొచ్చిన సంగతి తెలిసిందే. విమానాశ్రయం నుండి శ్రీదేవి డెడ్ బాడీని నేరుగా లోఖండ్‌వాలా రెసిడెన్సీకి తరలించారు. బుధవారం ఉదయం సెలబ్రేషన్స్ క్లబ్‌లో ఆమె భౌతికకాయాన్ని సినీ ప్రముఖులు, ప్రజల సందర్శనార్థం ఉంచారు. దేశ నలుమూలల నుండి పలువురు ప్రముఖులు, అభిమానులు ఆమె చివరి చూపు కోసం తరలివస్తున్నారు.

ముంబై చేరిన చిరంజీవి

శ్రీదేవితో కలిసి ‘జగదేక వీరుడు అతిలోక సుందరి' సినిమాతో పాటు పలు చిత్రాల్లో నటించిన టాలీవుడ్ మెగాస్టార్ చిరంజీవి తన సహచర నటి మరణవార్త విని షాకయ్యారు. శ్రీదేవితో తన అనుబంధాన్ని గుర్తు చేసుకుంటూ ఇటీవల ఓ వీడియో బైట్ విడుదల చేశారు. శ్రీదేవి చివరి చూపు కోసం బుధవారం ఉదయం ఆయన ముంబై చేరుకున్నారు.

రజనీకాంత్ ఇప్పటికే వచ్చారు

శ్రీదేవితో కలిసి రజనీకాంత్ అనేక చిత్రాల్లో నటించారు. తన అభిమాన నటీమణుల్లో శ్రీదేవి ఒకరని రజనీకాంత్ అనేక సందర్భాల్లో తెలిపారు. శ్రీదేవి మరణవార్తతో మంగళవారమే రజనీకాంత్ ముంబై వచ్చారు.