పరమవీర చక్ర’కు జాతీయ అవార్డ్ అంటే నవ్వుతున్నారు....!?

దాసరి నారాయణరావు దర్శకత్వంలో త్రీ షేడ్స్ లో బాలకృష్ణ నటించిన 'పరమవీర చక్ర" బుధవారం విడుదలైన సంగతి తెలిసిందే. షీలా, అమీషా పటేల్, నేహాధూపియా హీరోయిన్స్ గా నటించిన ఈ చిత్రానికి ప్లాప్ టాక్ వచ్చింది. అయితే బుధవారం సాయంత్రం ఓ వేడుకలో పాల్గొన్న దర్శకరత్న దాసరి నారాయణరావు మాత్రం..'పరమవీర చక్ర"ను ఆదరిస్తున్న ప్రేక్షకులకు థ్యాంక్స్. ఈ చిత్రంలో బాలయ్య నటనకు జాతీయ స్థాయిలో ఉత్తమ నటుడి అవార్డ్ రావడం ఖాయం అని మాట్లాడటం చాలా మందిని ఆశ్చర్యపరిచింది.

వాస్తవానికి బాలయ్య మంచి నటుడే కానీ ఆయన్ను ఈ చిత్రంలో దాసరి సద్వినియోగం చేసుకోలేదనే విమర్శఉంది. ఈ నేపథ్యంలో బాలయ్యకు జాతీయ స్థాయి అవార్డ్ వస్తుందని దాసరి ప్రకటించడం హాస్యాస్పదంగా ఉంది.