For Quick Alerts
    ALLOW NOTIFICATIONS  
    For Daily Alerts

    దావూద్‌ ఇబ్రహీం నోట...రామ్ గోపాల్ వర్మ టాపిక్

    By Srikanya
    |

    Dawood Ibrahim hits hard on Baba Siddiqui!
    ముంబయి : మాఫియా డాన్‌ దావూద్‌ ఇబ్రహీం దేశం వెలుపల ఉన్నా ఇక్కడి నేతలు, ఇతర ప్రముఖులను వణికిస్తున్న సంగతి తెలిసిందే. తాజాగా మరో విషయం వెలుగులోకి వచ్చింది. 'ఏక్‌ థా ఎమ్మెల్యే' ('ఆ ఎమ్మెల్యే ఒకప్పుడు ఉండేవాడు' అనే అర్థం వచ్చేలా) సినిమాను రూపొందించమని రాంగోపాల్‌వర్మతో చెబుతానని కాంగ్రెస్‌ ఎమ్మెల్యే బాబా సిద్ధిఖీని దావూద్‌ బెదిరించినట్లు సమాచారం. మరాఠీ దినపత్రిక 'సామ్నా' ఈ కథనాన్ని ప్రచురించింది.

    బెదిరింపులు రాగానే బాబా సిద్ధిఖీ హుటాహుటిన ముఖ్యమంత్రి వద్దకు పరుగులు పెట్టి తనతోపాటు తన కుటుంబానికీ భద్రత కల్పించాలని డిమాండ్‌ చేశారు. దానిపై సీఎం చవాన్‌ అంగీకరించారు. ఇకనుంచి సిద్ధిఖీకి నిరంతరం ఇద్దరు కానిస్టేబుళ్లు కాపలా ఉంటారు. దావూద్‌ సన్నిహితుడు అహ్మద్‌ లంగడాతో బాబా సిద్ధిఖీకి ముంబయిలో ఓ భూవివాదం ఉంది. ఈ వివాదంలో తప్పుకోకుంటే తీవ్ర పరిణామాలు ఎదుర్కొనక తప్పదని ఇటీవల ఛోటా షకీల్‌ బెదిరించాడు.

    దీనిపై సిద్ధిఖీ ఫిర్యాదు మేరకు అహ్మద్‌ లంగడాను ముంబయి పోలీసులు అరెస్టు చేశారు. ఈ సంఘటనతో బాబా సిద్ధిఖీకి దావూద్‌ ఫోన్‌ చేసి.. 'భూవివాదం నుంచి నిష్క్రమించకపోతే నీ జీవిత చరిత్రపై 'ఏక్‌ థా ఎమ్మెల్యే' పేరుతో సినిమాను నిర్మించాలని రాంగోపాల్‌ వర్మతో చెప్తానని హెచ్చరించాడని, అంటే నన్ను చంపేస్తారని అర్థమ'ని చెప్పారు. సీనియర్‌ ఇన్‌స్పెక్టర్‌ అంబదాస్‌ పోటే ఈ విషయాన్ని ధ్రువీకరించినట్లు 'సామ్నా'లో ప్రచురితమైంది. చీకటి సామ్రాజ్యం నేపథ్యంతో చిత్రాలు తీయడంలో రాంగోపాల్‌వర్మ ముందు వరుసలో ఉంటారన్న విషయం తెలిసిందే.

    English summary
    
 Dawood Ibrahim directly endangered Baba and said, "Suna hai tu mere khaas aadmi Ahmad langda ko pareshan kar raha hai. Samajh ja Baba warna anjaam bhugatna padega. Wo apna film director hai na' Arey wahi'Ram Gopal Verma, ussey keh kar teri film banwa dunga, Ek Tha MLA.. Chal ab dekh le ke tu kya chata hai." According to the sources, facing the threat of underworld don, Baba Siddiqui reached out directly to the Chief. Now police security has been provided to Baba's family.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X