దీపికా పడుకొనే డిమాండ్ ఒక కోటి?

By Staff

| Published: Monday, January 7, 2008, 18:57 [IST]

శంకర్ రోబోట్ సినిమా బడ్జెట్ రూ.100కోట్లు అన్న సంగతి తెలిసిందే. నిర్మాణ సంస్థ ఒక్కటే అయితే పేలుతుందని కాబోలు అయ్యంగ్రాన్ ఇంటర్నేషనల్, ఎరోస్ మల్టీ మీడియా బ్యాన్నర్ సంస్థలు సంయుక్తంగా పెట్టుబడి పెట్టడానికి ముందుకు వచ్చాయి. రజనీకాంత్ హీరోగా నటిస్తున్న ఈ సినిమాకు సంగీతాన్ని ఎఆర్ రహమాన్ అందించనున్నాడు.

రోబోట్ సినిమాలో హీరోయిన్ గా దీపికా పడుకొనే చేయనున్నట్టు ఫిల్మ్ నగర్ సమాచారం. ఈ సినిమా కోసం దీపిక రూ.1కోటి డిమాండ్ చేస్తున్నట్టు అనుకుంటున్నారు. తమిళ, హిందీ, తెలుగు భాషలతో పాటు చైనీస్, జపనీస్, ఇంగ్లీష్ భాషలలో ఈ సినిమాను నిర్మించాలనుకుంటున్నారు. ఈ నెల 11న జరిగే శివాజీ సిల్వర్ జూబ్లీ ఉత్సవాలలో రోబోట్ సినిమాకు సంబంధించిన ప్రకటన వెలువడుతుందని భావిస్తున్నారు.