Don't Miss!
- News టీడీపీలో ప్రకంపనలు..పార్టీకి గుడ్ బై చెబుతున్న నేతలు
- Sports Gautam Gambhir: నిద్రలో కూడా ఆర్సీబీనే కలవరిస్తా..! వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
వర్మ ‘డిపార్ట్మెంట్’-గ్లాసెస్ లేకుండా 3డి ఎఫెక్ట్
సంచలన దర్శకుడు రాంగోపాల్ వర్మ దర్శకత్వంలో 'డిపార్ట్మెంట్" సినిమా రూపొందుతున్న సంగతి తెలిసిందే. ఈ సినిమా హిట్టా? ఫట్టా? అనే విషయం పక్కన పెడితే...ఓ విషయంలో మాత్రం ఈ సినిమా తెరపై అద్భుతాలు సృష్టించడం ఖాయమని, భావితరాల దర్శకులకు ఈ సినిమా ఆదర్శంగా నిలుస్తుందనే వాదన వినిపిస్తోంది.
ఈ సినిమాకు సంబంధించిన కొన్ని సీన్లను వర్మ ఇటీవల తన సన్నిహిత సినీ ప్రముఖులకు ముంబైలో ప్రత్యేకంగా ఓ షో వేయించి మరీ చూపించాడు. ఆ సీన్లను చూసి అంతా ఆశ్చర్య పోయారట. 3డి గ్లాసెస్ లేకుండానే ఆ సీన్లు 3డి ఫిల్మ్ చూసిన అనుభూతిని కలిగించడమే అందుకు కారణం.
సినీ వర్గాల నుంచి అందిన సమాచారం ప్రకారం...వివిధ రకాల కెమెరాలతో ప్రయోగాలు చేయించే వర్మ, ఇందులో కొన్ని సీన్లను ప్రత్యేక కెమెరాలతో వివిధ కోణాల్లో చిత్రీకరించడం ద్వారా 3డి ఎఫెక్టు వచ్చే విధంగా చేశాడట. మరి ఇందులో నిజం ఎంతో? ఆ ఎఫెక్టు ఎలా ఉందో చూడాలంటే సినిమా విడుదలయ్యే వరకు ఆగాల్సిందే.