Don't Miss!
- News ఎల్లుండే వైసీపీలోకి యనమల ? చర్చలు పూర్తి..!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
హైదరాబాద్ : తెలుగు వారికి 'దేవదాసు' అనగానే ముందుగా గుర్తుకొచ్చేది అక్కినేని నాగేశ్వర రావు, సావిత్రి. వీరిద్దరి కాంబినేషన్లో వచ్చిన ఈ చిత్రం నేటితో 61 ఏళ్లు పూర్తి చేసుకుంది. 1953 జూన్ 26న విడుదలై ఈచిత్రం అప్పట్లో ఓ సంచలనం. తెలుగు తెరపై ప్రేమకథా చిత్రాలకు ఆజ్యం పోసింది కూడా ఈ సినిమానే.
వాస్తవానికి 'దేవదాసు' మన కథ కాదు. సుప్రసిద్ధ బెంగాలీ రచయిత శరత్ చంద్ర ఛటర్జీ వ్రాసిన దేవదాసు నవల ఆధారంగా ఈ చిత్రాన్ని తెరకెక్కించారు. దేవదాసు నవలను తెలుగులో చక్రపాణి అనువదించారు. వేదాంతం రాఘవయ్య దర్శకత్వంలో డిఎల్ నారాయణ ఈ చిత్రాన్ని నిర్మించారు.
శరత్ సృష్టించిన గొప్ప పాత్ర నాగేశ్వరరావు చెయ్యడమేమిటని తొలుత విమర్శలు వచ్చాయి. అదే విధంగా పార్వతి పాత్రకు సావిత్రిని తీసుకోవడంపై, రాఘవయ్య ఈ సినిమాకి దర్శకుడిగా సరిపోడు అంటూ విమర్శలు వచ్చాయి. ఎవరెన్ని మాటలన్నా, నష్టపోతారని భయపెట్టినా మొండిగా ఈ చిత్రాన్ని తెరకెక్కించారు. చాలెంజ్గా తీసుకుని తెరకెక్కించడం వల్లనే ఈ సినిమా అంత ఘన విజయం సాధించింది.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
ఈ చిత్రానికి సీనియర్ సముద్రాల మాటలు, పాటలు హైలైట్గా నిలిచాయి. 11 పాటలుండటమే ఈ సినిమా గొప్ప.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
"పల్లెకుపోదాం.. పారును చూద్దాం చలోచలో..", "అంతా భ్రాంతియేనా జీవితాన వెలిగింతేనా...", "కుడి ఎడమైతే పొరపాటు లేదోయ్...", "జగమే మాయ బ్రతుకే మాయ.." ఇలా వేటికవే ప్రత్యేకతే.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
1937లో లో హిందీలో పి.సి.బారువా తొలిసారిగా కె.ఎల్.సైగల్, జమునలతో ‘దేవదాసు' చిత్రాన్ని నిర్మించాడు. అదే సంవత్సరంలో తమిళంలోనూ సి.వి.రావు నటుడు, దర్శకుడుగా దేవదాసు సినిమా వెలువడింది.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
మళ్ళీ 1955లో హిందీలో దిలీప్ కుమార్, వైజయంతిమాల, సుచిత్రాసేన్లతో మరొక దేవదాసు వచ్చింది. మళ్ళీ హిందీలో లో షారుక్ ఖాన్, ఐశ్వర్యారాయ్, మాధురీ దీక్షిత్లతో 2002లో ఇదే కథ సినిమాగా వచ్చింది.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
అన్ని భారతీయ భాషలలో కలసి దాదాపు 10 సార్లు ఈ సినిమా విడుదల అయినా నాగేశ్వరరావు దేవదాసుగా నటించిన ఈ చిత్రానికి వచ్చినంత పేరు మరే దేవదాసు చిత్రానికీ రాలేదు.
ఆజ్యం పోసింది అక్కినేనే, ఆ సంచలనానికి 61 ఏళ్లు (ఫోటో ఫీచర్)
1974లో కృష్ణ దేవదాసుగా నటించిన సినిమా విడుదలై 50రోజులు ఆడీతే, అదే సమయంలో మళ్ళీ విడుదలైన నాగేశ్వరరావు దేవదాసు 200 రోజులు ఆడింది.