Home

News

'ఖోస్లా కా ఘోస్లా', 'ఓయే లక్కీ లక్కీ ఓయే', 'లవ్‌ సెక్స్‌ ఔర్‌ దోఖా' అంటూ ప్రయోగాత్మక శైలిలో కమర్షియల్ గా విజయవంతమైన చిత్రాలు రూపొందిస్తున్న దర్శకుడు దివాకర్‌ బెనర్జీ. ఆయన తన నాలుగో చిత్రం 'షాంఘై' గురించి ముంబయిలో ప్రకటించారు. పీవీఆర్‌ పిక్చర్స్‌ సంస్థ నిర్మించనున్న ఈ చిత్రం రాజకీయ నేపథ్యమున్న కథతో దీన్ని రూపొందబోతోంది. అభయ్ డియోల్ హీరోగా చేస్తున్న ఈ చిత్రంలో మిగతా స్టార్ కాస్టింగ్ ఇంకా ఎంపిక చేయలేదు. ఇక ఈ చిత్రం గురించి దర్శకుడు దివాకర్‌ మాట్లాడుతూ "రాజకీయ అంశాలతో ముడిపడ్డ కథలు ఇప్పటికే చాలా వచ్చాయని అందరూ అంటున్నారు. కానీ నేను వారితో ఏకీభవించను. ప్రతి ఒక్కరి జీవితం ఏదో ఒక రకంగా రాజకీయాలతో ముడిపడి ఉంటుంది. అది ఎలా ఉంటుందనేది ఈ సినిమాలో చూపించబోతున్నాను.

అంతేగాక ఈ సినిమాలో ఒక్క పాట కూడా ఉండదు. కానీ నేపథ్య సంగీతానికి ప్రాధాన్యం ఇవ్వబోతున్నాం. పొలిటికల్‌ థ్రిల్లర్‌ కావడంతో దీనికి బ్యాక్‌ గ్రౌండ్‌ స్కోర్‌ చాలా కీలకం. ఇంకో విషయం చెప్పాలి...ఇంతవరకూ నా సినిమాల్లో అత్యధిక బడ్జెట్‌తో తీయబోతున్న చిత్రమిది. అలాగని భారీ బడ్జెట్‌ సినిమా అనుకోకండి. ఈ చిత్రం బడ్జెట్ కేవలం 12 కోట్లు మాత్రమే. అలాగే ఈ చిత్రం టైటల్ ని చూసి షాంఘైలో జరుగుతోందనుకోవద్దు. అసలు మేం షూటింగ్ కోసం చైనాలో అడుగు పెట్టం. ఇక ఈ బడ్జెట్ చూసి మిగిలిన వాళ్లకు ఇది చిన్న సినిమాలాగే ఉండొచ్చు. కానీ కథ పరంగా ఇది పెద్ద సినిమాలకు ఏమాత్రం తీసిపోదని అన్నారు. ఇక ఈ చిత్రం 1960ల్లో ప్రచురితమైన ఓ యూరోపియన్‌ నవల ఆధారంగా రూపొందనుందని అంతటా వినపిస్తోంది.