అంతటి విషాదం లోనూ దిల్‌రాజు కథ ఆలోచించాడట

అమెరికాలో ఉండగా భార్య మరణం గురించి

తాను అమెరికాలో ఉండగా భార్య మరణం గురించి తెలిసిందని.. అక్కడి నుంచి ఇంటికి చేరుకోవడానికి 27 గంటలు పట్టిందని.. ఈ 27 గంటలు తాను నరకం చూశానని రాజు అన్నాడు. అయితే అంత విషాద సమయంలోనూ ఆయన మెదడులో ఒక కథ తయారయ్యిందట....

ఇంటి నుంచి బయటకు వెళ్లలేదు

‘‘నా భర్య చనిపోయాక నేను పదమూడు రోజు లు ఇంటి నుంచి బయటకు వెళ్లలేదు. ఆ సమయంలో ‘ఇదే ఇదే జీవితం.. సుఖః దుఃఖాల సంగమం' పాట వింటూ గడిపాను. అప్పుడనిపించింది.. రచయితలు ఊరికే రాయరు. జీవిత అనుభవాలనే పాటలుగా రాస్తారని. ఆ థాట్ ప్రాసెస్ లో నాకొక స్టోరీ లైన్ తట్టింది. ఆ స్టోరీతో సినిమా తీయాలనుకుంటున్నా'' అని దిల్ రాజు తెలిపాడు.

జీవితం చాలా విచిత్రమైంది

గత ఐదు నెలల కాలం తన జీవితంలో చిత్రమైన అనుభవాలను.. మిశ్రమానుభూతులను మిగిల్చిందని రాజు తెలిపాడు. ‘‘జీవితం చాలా విచిత్రమైంది. గడచిన ఐదు నెలల్లో ‘శతమానం భవతి' ఒక సంతోషం.. నాకు మనవడు పుట్టడం ఒక సంతోషం.. ‘నేను లోకల్' ఒక సంతోషం..

అనుకోని జర్క్

జీవితం అద్భుతంగా ముందుకు సాగుతోంది అనుకున్నప్పుడు దేవుడు అనుకోని జర్క్ ఇచ్చాడు. ఆ బాధలో ఉండగానే ‘శతమానం భవతి'కి నేషనల్ అవార్డు.. దాంతో పాటు నాకు చక్రపాణి-నాగిరెడ్డి అవార్డు దక్కాయి. ఐదు నెలల్లో దేవుడు అటూ.. ఇటూ చూపించాడు'' అంటూ తనలో భాదని చెప్పుకొచ్చాడు దిల్ రాజు