బాలయ్య, చరణ్ బరిలో ఉన్నారు.. అయినా ఫర్వాలేదు: ఎఫ్ 2 వేడుకలో దిల్ రాజు అల్టిమేట్ స్పీచ్

మూడు సినిమాలు హిట్టవ్వాలి

2019లొ మళ్లీ మూడు సినిమాలు పోటీ పడుతున్నాయి. బాలయ్యగారి ‘ఎన్టీఆర్ బయోపిక్', రామ్ చరణ్ ‘వినయ విధేయ రామ', మా ‘ఎఫ్ 2'... ఈ సంక్రాంతికి కూడా ఈ మూడు సినిమాలు హిట్టవ్వాలని మనస్పూర్తిగా కోరుకుంటున్నాను.

ఇద్దరితో చాలా చాలా ఎంజాయ్ చేశాను

వెంకటేష్ గారితో సీతమ్మ వారిట్లో సిరిమల్లె చెట్టు మా బేనర్లో సంక్రాంతికి విడుదలైంది. వరుణ్‌తో ‘ఫిదా' సినిమా చేశాం. వాళ్లిద్దరూ కలిస మా బేనర్లో మల్టీస్టారర్ సినిమాగా రాబోతోంది. ఈ సినిమా జరుగుతున్నన్ని రోజులు నిర్మాతగా కాకుండా స్నేహితుడిగా వెళ్లి సరదాగా గడిపాను, ఎంజాయ్ చేశాను. ఆ ఇద్దరు హీరోలు నిర్మాతలకు అంత కంఫర్ట్ క్రియేట్ చేస్తారు. వెంటనే స్క్రిప్టు దొరికితే వెంకీ గారితో మరో సినిమా చేయాలని ఉంది.

చిరంజీవి గారి వద్ద మంచి లక్షణాలు నేర్చుకుని వరుణ్ ఎదుగుతున్నాడు

వరుణ్ ఆల్మోస్ట్ మా ఫ్యామిలీ మెంబర్. చిరంజీగారి వద్ద నుంచి మంచి లక్షణాలు నేర్చుకుని కొత్త కొత్త సినిమాలు ట్రై చేస్తూ ఎదుగుతున్న వరుణ్ మా ఎఫ్ 2 ద్వారా ఫ్యామిలీ ప్రేక్షకులకు మరింత దగ్గరవుతారు.

వెంకీ కూలి నెం.1 డ్రెస్... వరుణ్ ‘తమ్ముడు’ డ్రెస్

ఎఫ్ 2లో ఓ సాంగులో వెంకటేష్ గారు కూలి నెం.1 డ్రెస్ వేస్తే... వరుణ్ తమ్ముడు సినిమాలోని పవర్ స్టార్ డ్రెస్ వేశారు. అనిల్ కథ చెబుతున్నపుడు చాలా నవ్వొచ్చింది. ప్రతి ఒక్కరి జీవితంలో భార్యతో ఫన్ ఉంటుంది, ఫ్రస్టేషన్ ఉంటుంది. దాంట్లో నుంచి అతడు కథను తయారు చేశాడు. ఈ సినిమా కథ విన్నపుడే హిట్టవుతుందని తెలుసు. దానికి తగ్గట్లు ఇద్దరు హీరోలు, మంచి హీరోయిన్స్‌, టెక్నీషియన్స్‌ బాగా కుదిరారు. అనిల్‌తో ఇంతకు ముందు చేసిన సుప్రీమ్‌, రాజాదిగ్రేట్‌ కమర్షియల్‌ సినిమాలు అయితే ఎఫ్‌ 2 పక్కా ఫ్యామిలీ సినిమా.

ఇటు అంధ్రా అల్లుడు, అటు తెలంగాణ అల్లుడు

సినిమా థియేటర్‌కు మీరు ఫ్యామిలీతో వెళితే రెండున్నర గంటలు నవ్వుకుంటారు. అందుకనే సంక్రాంతి అల్లుళ్లు వస్తున్నారు అనే మరో ట్యాగ్‌లైన్‌ను కూడా అనిల్‌ యాడ్‌ చేశాడు. ఒకరు ఆంధ్ర అల్లుడైతే, ఒకరు తెలంగాణ అల్లుడు. వరుణ్ తో తెలంగాణ స్లాంగ్ మాట్లాడించారు. ఇంట్లో ఇల్లాలు- వంటింట్లో ప్రియురాలు, నువ్వునాకు నచ్చావ్‌లో వెంకటేష్‌గారిని చూస్తున్నట్లు ఉంటుంది. అనిల్‌తో ఈ సారి హ్యాట్రిక్‌ కొట్టబోతున్నాం.

దేవిశ్రీతో పది సినిమాలు చేస్తే 9 హిట్లు

రాక్‌స్టార్‌ దేవిశ్రీప్రసాద్‌తో ఆర్య నుండి ఎఫ్‌2 వరకు పది సినిమాలు. ముందు తొమ్మిది సినిమాలు సక్సెస్‌ఫుల్‌ సినిమాలయ్యాయి. అతడు లిరిక్ దగ్గర నుంచి ప్రతి విషయంలో కేర్‌ తీసుకుంటాడు. అందుకే మా కాంబినేషన్‌ కంటిన్యూ అవుతుంది.