»   » యాంకర్ ప్రదీప్‌కు ఉన్న ఇంగితం కూడా వారికి లేదు: ప్రభాకర్ సంచలన కామెంట్స్

యాంకర్ ప్రదీప్‌కు ఉన్న ఇంగితం కూడా వారికి లేదు: ప్రభాకర్ సంచలన కామెంట్స్

Posted By:
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts
    Director Prabhakar Talks about Anchor Pradeep

    దర్శకుడు ప్రభాకర్ ఇటీవల ఓ ఇంటర్వ్యూలో తన ఇండస్ట్రీ ఫ్రెండ్స్ మీద సంచలన కామెంట్స్ చేశారు. తాను ఎంతో మందికి హెల్ప్ చేశాను. కానీ నాకు అవసరం ఉన్నపుడు ఏ ఒక్కరూ ముందుకు రాలేదని తెలిపారు. తాను దర్శకత్వం వహించిన 'బ్రాండ్ బాబు' సినిమా గురించి చాలా మందిని అడిగాను. టీజర్ ట్వీట్ చేయాలని కోరినా చాలా మంది రెస్పాండ్ కాలేదు. చాలా మంది తమ స్వార్థంగా ఆలోచించారు అని ప్రభాకర్ చెప్పుకొచ్చారు. యాంకర్ ప్రదీప్‌కు ఉన్న ఉన్న ఇంగితం కూడా కొంతరికి లేదని... అలాంటి సమయంలో వెన్నెల కిషోర్ లాంటి మంచి మనసున్న ఫ్రెండ్ హెల్ప్ చేశాడని తెలిపారు.

    చాలా మంది స్పందించలేదు

    చాలా మంది స్పందించలేదు

    ‘బ్రాండ్ బాబు' మూవీకి ఫస్ట్ లుక్ లాంచ్ చేయాలనుకున్నపుడు ఎవరితో చేయించాలని చాలా ఆలోచించాం. మారుతిని అడిగితే వెన్నెల కిషోర్‌కు ఈ విషయం చెప్పారు. ఆయన మేము అడిగిన వెంటనే ఓకే చెప్పారు. ఎందుకు నేను ఆయన పేరు ప్రత్యేకంగా చెప్పడం జరిగిందంటే.. నాకు చాలా క్లోజ్‌గా ఉండే మంచి పొజిషన్లో ఉన్న చాలా మందిని అడిగాను. రిప్లై లేదు. రిప్లై ఇస్తే నో అని చెబితే రేపు నేను ఎక్కడైనా అవసరం వస్తానేమో వారికి తెలియదు. అందుకే నో చెప్పలేరు. ఎస్ అంటే వారికి తక్కువగా అనిపిస్తుందేమో... అని ప్రభాకర్ వ్యాక్యానించారు.

    వెన్నెల కిషోర్ ఇండస్ట్రీ మనిషి

    వెన్నెల కిషోర్ ఇండస్ట్రీ మనిషి

    నేను చాలా మందిని అడిగాను రిప్లై కూడా ఎవరి దగ్గరి నుండి లేదు. ఒకరిద్దరు రిప్లై ఇచ్చిన వారు కూడా పెడతాను అని చెప్పి పెట్టలేదు. అపుడు వెన్నెల కిషోర్ ను మారుతి అడిగితే వెంటనే ఓకే చేశారు. ఆయనకున్న ఫాలయింగుకు.... మాకు హెల్ప్ చేయాల్సిన అవసరం లేదు. ఆయన మా సినిమాలో కూడా లేడు. నేను రెండు సినిమాలు చేస్తే రెండింటిలో ఆయన్ను పెట్టుకోలేదు. ఎందుకు చేయాలండీ అని ఆయన అనొచ్చు. కానీ ఆయన అలా ఆలోచించలేదు. చాలా స్పోర్టివ్ తీసుకుని మా మూవీ ఫస్ట్ లుక్ లాంచ్ చేశారు.

    రాజమౌళి బాహుబలి వల్లే

    రాజమౌళి బాహుబలి వల్లే

    ఇండస్ట్రీ బావుంటే అందరం బావుంటాం. నా సినిమా బావున్నంత మాత్రాన అందరూ బావుండరు. ఇండస్ట్రీలో ఎవరికి వారు నా సినిమా బావుంటే చాలు, నా తమ్ముడిది బావుంటే చాలు, నా బావ మరిది సినిమా బావుంటే చాలు అనుకుంటే....ప్రపంచం నలుమూలలకు తెలుగు సినిమా పాకేది కాదు. ఈ రోజు రాజమౌళి తీసిన ఒక్క సినిమా బాహుబలితో ప్రపంచంలో మన జెండా ఎగరవేశాం. జపాన్ వాళ్లు ప్రత్యేకంగా మనల్ని పిలుస్తున్నారు. ఎక్కడికెళ్లినా మేము తెలుగు అంటే బాహుబలి కదా అని వారు గుర్తు చేస్తున్నారు. ఇలా మన ఇండస్ట్రీ బావుండాలని కోరుకోవాలి.

    నా వద్ద ఆల్రెడీ వారి పరువు పోయింది

    నా వద్ద ఆల్రెడీ వారి పరువు పోయింది


    కొందరు ట్వీట్ చేయమన్నా చేయలేదు. వారి పేర్లు చెప్పాలని కూడా లేదు. వారి పేరు పలకడానికి నాకే ఇబ్బందిగా ఉంది. వారి పేరు చెప్పి ఇంకా పరువు తీయడం ఎందుకు? ఆల్రెడీ నా దగ్గర వాళ్ల పరువు పోయింది చాలు. మామా అంటూ వాటేసుకుంటారు. నేను మాత్రమే ఉన్నపుడు నువ్వు చేసిన హెల్ప్ ఎప్పటికీ మరిచిపోను అంటారు. జనాల్లోకి వెళ్లేసరికి ఇలా ఉంటుంది.

    ప్రదీప్‌కు ఉన్న ఇంగితం కూడా లేదు

    ప్రదీప్‌కు ఉన్న ఇంగితం కూడా లేదు

    కొంతమంది చేశారు. యాంకర్ ప్రదీప్ నేను ఇలా చెప్పగానే చేశాడు. చిన్నవాడు వాడికి ఉన్న ఇంగితం కూడా కొంతమందికి లేదు. మనకు హెల్ప్ చేయడం లేదని వాళ్లు బ్యాడ్ అని నేను అనడం లేదు. నా వైపు నుండైతే బ్యాడే. ఎందుకంటే నువ్వెవరో తెలియకుండా, పరిచయం లేకుండా నిన్ను అడగలేదు. అసలు నేను అడగాల్సిన అవసరం కూడా లేదు. నీ స్నేహితుడు సినిమా చేస్తున్నాడంటే నువ్వు చేయాలి. నీ పొజిషన్లో ఉంటే నేను తప్పకుండా చేస్తాను. నువ్వు చేయాలని నేను కోరుకున్నాను. నువ్వు కోరుకుంటే సరిపోతుందా? నేను అనుకోవాలి కాదా అంటే నాదే తప్పు.

    మంచి వారెప్పుడూ బావుంటారు

    మంచి వారెప్పుడూ బావుంటారు

    ఇద్దరు ముగ్గురిని అడిగాను కానీ చేయలేదు. హరీష్ శంకర్ ను అడిగితే వెంటనే చేశాడు. టీజర్ రీజల్ కు కూడా వచ్చారు. చై అక్కినేని నాకు అస్సలు పరిచయం లేదు మారుతికే పరిచయం. కానీ ప్రభాకర్ దర్శకుడు అని చెప్పి ట్రైలర్ లాంచ్ చేశారు. వారంతా గొప్పవారు. అలాంటి వారు ఎప్పుడూ బావుంటారు. ట్వీట్ చేయని వారు పాడైపోతారని అని అనడం లేదు. మంచి వారెప్పుడూ బావుంటారు.... అని ప్రభాకర్ తన మనసులోని ఆవేదన వ్యక్తం చేశారు.

    English summary
    Director Prabhakar said that his Industry friends did not help for his latesh movie Brand Babu movie Promotions. Only Vennela Kishore, Anchor Pradeep and few others helped him.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more