అందుకే నిర్మాతగా మారాను.., సునీల్ విషయంలో నాకు అది అనవసరం: శంకర్

సునీల్ మాత్రమే తట్టాడు:

మలయాళంలో సూపర్ హిట్టయిన '2 కంట్రీస్' సినిమాకు నిర్మాతలు నా సన్నిహితులే. సినిమా అక్కడ హిట్ అవడంతో తెలుగులో దాన్ని రీమేక్ చేయాలని నాకు వారు సలహా ఇచ్చారు. అలా.. ఈ సినిమాలోని దిలీప్ పాత్రకు ఎవరైతే బాగుంటుందా? అని ఆలోచించినప్పుడు తెలుగులో నాకు తట్టిన నటుడు 'దిలీప్' మాత్రమే.

అందుకే నిర్మాతగా:

తెలుగులో ఈ సినిమా రీమేక్ చేయడం కోసం నేనో నిర్మాతను కలిశాను. అయితే ప్రస్తుతం సునీల్ మార్కెట్ దెబ్బతిని ఉండటంతో.. నేను చెప్పినట్లు అమెరికాలో కాకుండా.. బ్యాంకాక్‍లో తీద్దామన్నారు. కానీ కథకు అది సెట్ అవదు. అందుకే నేనే నిర్మాతగా మారాను అని శంకర్ చెప్పుకొచ్చారు.

వచ్చినా.. పోయినా..:

ఒక నిర్మాత ఆలోచనలకు టెక్నీషియన్ ఆలోచనలకు గ్యాప్ ఉంటుంది. సినిమా వల్ల డబ్బులొచ్చినా పోయినా అది నాకే జరగాలన్న ఉద్దేశంతోనే నేనే నిర్మాతగా మారి సినిమా చేయాల్సి వచ్చింది.

అది నాకు అనవసరం :

సునీల్ ట్రాక్ రికార్డ్ గురించి మాట్లాడుకోవాల్సి వస్తే.. ప్రతీ హీరోకు హిట్స్.. ఫ్లాప్స్ ఉంటాయి. కాకపోతే మన పాత్రకు ఒక నటుడు సరిపోతాడనుకున్నప్పుడు.. అతని ట్రాక్ రికార్డ్ గురించి పట్టించుకోకూడదు. ఎందుకంటే సినిమాకు రైట్ కాస్టింగ్ అనేది చాలా ముఖ్యం. కాబట్టి నాకు అది అనవసరం.

శంకర్ ట్రాక్ రికార్డ్:

దర్శకుడిగా శంకర్ ట్రాక్ రికార్డు మిగతా దర్శకుల కంటే భిన్నమైనదనే చెప్పాలి. ఫక్తు కమర్షియల్ ఎలిమెంట్స్‌తో కాకుండా సామాజిక ఇతివృత్తాల్ని తెరపై అద్భుతంగా చూపించడంలో ఆయన నేర్పరి.
ఆయన దర్శకత్వంలో వచ్చిన 'ఎన్ కౌంటర్ ' 'శ్రీ రాములయ్య ' 'జయంమనదేరా ' 'భద్రాచలం ' 'ఆయుధం ' వంటి చిత్రాలు మంచి విజయాలు అందుకోవడంతో పాటు ఆయన దర్శకత్వ ప్రతిభను చాటాయి.

ఈ సినిమాతో సునీల్.. :

ఇప్పటిదాకా సునీల్‌ను డైరెక్ట్ చేసిన దర్శకులకు శంకర్‌కు తేడా ఉంది. కాబట్టి.. సునీల్ హీరోయిజాన్ని శంకర్ కొత్తగా చూపిస్తారా?, లేక సునీల్ మీద ఎక్కువగా ఆధారపడకుండా తన దర్శకత్వంతో శంకరే మొత్తం భారాన్ని మోశారా?.. అన్నది సినిమా విడుదలైతే కానీ చెప్పలేం. ఒకవేళ ఈ సినిమాతో సునీల్ హిట్ సాధిస్తే మాత్రం.. ఆయన కెరీర్ కాస్త గాడిన పడ్డట్లే అని చెప్పాలి.