'సైరా' గెటప్‌లో బుడ్డోడి హల్ చల్: ఈ చిన్ని 'నరసింహారెడ్డి' ఎవరో తెలుసా?

ఎవరీ బుడ్డోడు:

చేతిలో కత్తితో.. 'సైరా నరసింహారెడ్డి' కాస్ట్యూమ్స్ లో మెరిసిపోతున్న ఓ బుడ్డోడి ఫోటోలు ప్రస్తుతం ఇంటర్నెట్ లో హల్ చల్ చేస్తున్నాయి. దీంతో ఎవరా ఈ చిట్టి తండ్రి? అని చాలామంది ఆరా తీస్తున్నారు. ఇంతకీ ఈ బుడ్డోడు ఎవరి కుమారుడో తెలుసా?.. సైరా దర్శకుడు సురేందర్ రెడ్డి కుమారుడు.

చిరంజీవిని ఆ గెటప్‌లో చూసి.. :

సైరా షూటింగ్ సెట్‌లో చిరంజీవిని ఆ గెటప్‌లో చూసి.. తనకూ అలాంటి కాస్ట్యూమ్స్ కావాలని తన తండ్రి సురేందర్ రెడ్డిని అడిగాడట ఈ బుడ్డోడు. ముద్దులొలికే మాటలతో కొడుకు తన కోరిక గురించి చెప్పేసరికి.. కాదనలేక సురేందర్ రెడ్డి కూడా 'సై' అన్నాడట.

ఫిదా చేసేశాడు..:

ఇంకేముంది.. తండ్రి ఆ కాస్ట్యూమ్స్ తెప్పించడమే ఆలస్యం.. చేతిలో కత్తితో ఈ చిన్ని 'నరసింహారెడ్డి' హల్‌చల్ చేశాడు. ఫోటోలకు భలే పోజులిచ్చాడు. ఆ ఫోటోల్లో బుడ్డోడు ఇచ్చిన ఎక్స్‌ప్రెషన్‌కు ఇప్పుడు చాలామంది ఫిదా అయిపోతున్నారు. ఎంతైనా సురేందర్ రెడ్డి కొడుకా.. మజాకా? అనుకుంటున్నారు నెటిజెన్స్.

Sye Raa Narasimha Reddy faces trouble ‘సై రా’... ఈ వార్తలేంట్రా

సైరా నరసింహారెడ్డి..:

మెగాస్టార్ చిరంజీవి 151వ చిత్రంగా 'సైరా నరసింహారెడ్డి' తెరకెక్కుతోంది. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కిస్తున్న ఈ చిత్రానికి సురేందర్ రెడ్డి దర్శకుడిగా వ్యవహరిస్తున్నారు.నయనతార, అమితాబ్‌ బచ్చన్‌, జగపతిబాబు, సుదీప్‌, విజయ్‌ సేతుపతి తదితరులు ప్రధాన పాత్రలు పోషిస్తున్నారు.

రెండో షెడ్యూల్:

సైరా తొలి షెడ్యూల్ ఇటీవలే పూర్తయింది. ఫిబ్రవరి నుంచి రెండో షెడ్యూల్‌ ప్రారంభం కానుంది. కాగా, ఈ సినిమాకు మొదట ఎ.ఆర్‌. రెహమాన్‌ను సంగీత దర్శకుడిగా అనుకున్నప్పటికీ.. ఆ తర్వాత థమన్ లైన్ లోకి వచ్చాడు.