‘డిజె’ వాయింపు మొదలైంది: వారిని బొక్కలో తోసేందుకు తొలి అడుగు!

యాంటీ ఫ్యాన్స్ హస్తముందా?

పైరసీ చేస్తున్నవారికి కొందరు యాంటీ ఫ్యాన్స్ కూడా సపోర్టు ఇస్తున్నట్లు సమాచారం. మరో వైపు పైరసీ లింకులను కొందరు సోషల్ మీడియా గ్రూఫుల ద్వారా షేర్ చేస్తున్నారు. ఈ విషయాన్ని సీరియస్ గా తీసుకున్న చిత్ర బృందం పోలీసులకు ఫిర్యాదు చేశారు.

అందరినీ బొక్కలో తోయించడమే లక్ష్యం...

‘డిజే'ను దెబ్బ కొట్టేందుకు పైరసీ చేస్తున్న వారిని, సోషల్ మీడియా ద్వారా లింకులు పోస్టు చేస్తూ ఈ పైరసీని ప్రోత్సహిస్తున్న వారిని వెంటనే అరెస్టు చేయాలని, కఠిన చర్యలు తీసుకోవాలని కోరుతు నిర్మాత దిల్ రాజు, దర్శకుడు హరీష్ శంకర్ పోలీసులకు ఫిర్యాదు చేశారు.

అందరి వివరాలు సేకరిస్తున్నారు

‘డిజె' పైరసీ వ్యవహారంతో సంబంధమున్న వారి అందరి వివరాలు పోలీసులు సేకరిస్తున్నారు. త్వరలోనే వారిని అరెస్టు చేసేందుకు పక్కా ప్లానింగ్‌తో ముందుకు సాగుతున్నారు.

ఇది హెల్దీ కాంపిటీషన్ కాదు...

ఇటీవల థాంక్స్ మీట్లో దర్శకుడు హరీష్ శంకర్ మాట్లాడుతూ..... ఒకప్పుడు హీరోల అభిమానుల మధ్య హెల్దీ కాంపిటీషన్ ఉండేదని, ఇపుడు పరిస్థితి చాలా దారుణంగా ఉందని, పక్క హీరో సినిమాను దెబ్బకొట్టేందుకు కొందరు అభిమానులు ప్రయత్నిస్తున్నారని, ఇది ఇండస్ట్రీకి మంచిది కాదని తెలిపారు. డిజె పైరసీ విషయంలో హెల్ఫ్ చేసిన మహేష్ బాబు, పవన్ కళ్యాణ్ అభిమానులకు హరీష్ శంకర్ థాంక్స్ చెప్పారు.