వావ్..! అచ్చుగుద్దినట్టు: మహానటి సావిత్రి భర్త ఫస్ట్‌లుక్

జెమినీ గణేశన్ పాత్రలో

మిక్కీ జె. మేయర్‌ స్వరాలను సమకూరుస్తున్నారు. వైజయంతీ మూవీస్‌ పతాకంపై సి. అశ్వినీదత్ సమర్పిస్తున్న ఈ చిత్రాన్ని స్వప్న సినిమా పతాకంపై తెలుగు, తమిళ, మలయాళంలో స్వప్నా దత్ నిర్మిస్తున్నారు. అలాగే స్టార్ హీరో దుల్కర్ సల్మాన్ కూడా సావిత్రి భర్త జెమినీ గణేశన్ పాత్రలో కనిపించనున్నాడు. ప్ర‌స్తుతం ఈ చిత్రం శ‌ర‌వేగంగా షూటింగ్ జ‌రుపుకుంటుంది.

దుల్క‌ర్ బ‌ర్త్ డే సంద‌ర్భంగా

ఇటీవ‌ల టీంతో క‌లిసిన దుల్కర్ పై టీం సభ్యులు కీల‌క స‌న్నివేశాలు తెర‌కెక్కిస్తున్నారు. అయితే నిన్న రోజు దుల్క‌ర్ బ‌ర్త్ డే సంద‌ర్భంగా టీం ఆయ‌న‌కు స‌డెన్ స‌ర్ ప్రైజ్ ఇచ్చింది. జెమినీ గ‌ణేష‌న్ గెట‌ప్ లో ఉన్న దుల్క‌ర్ స‌ల్మాన్ ఫోటో రివీల్ చేస్తూ బ‌ర్త్ డే విషెస్ తెలియ‌జేసింది. ఈ సంద‌ర్భంగా టీంకి కృత‌జ్ఞ‌తలు తెలియ‌జేశాడు దుల్క‌ర్ స‌ల్మాన్. తెలుగు,తమిళ భాషలలో భారీగా తెరకెక్కుతున్న ఈ సినిమాలో జెమినీ గణేషన్ పాత్ర ఎంత కీలకమైందో చెప్పే పని లేదు కదా..!

Recommended Video

Sai Pallavi Is Like Mahanati Savitri : Sai Chand

లక్స్ యాడ్ కోసం

సావిత్రి-జెమినీ గణేశన్ కు పెళ్లయిందనే విషయం చాన్నాళ్ల వరకు సమాజానికి తెలీదు. అప్పట్లో లక్స్ యాడ్ కోసం వాళ్లిద్దరూ కలిసి ఫొటో దిగారు. ఆ సందర్భంగా ఇచ్చిన ఇంటర్వ్యూలో జెమినీ గణేశన్ ను తను పెళ్లాడిన విషయాన్ని సావిత్రి బయటపెట్టారు. మరి ఈ ఉదంతం మహానటి సినిమాలో ఉందో లేదో తెలీదు కానీ.. జెమినీ గణేశన్ గా దుల్కర్ లుక్ మాత్రం అదిరిపోయింది.

నలుగురు భార్యల్లోమహానటి సావిత్రి

తమిళసినిమా రంగాన్ని ఏలిన త్రిమూర్తుల్లో జెమినీగణేశన్‌ ఒకరు. మిగితా ఇద్దరు ఎంజిరామచంద్రన్‌, శివాజీ గణేశన్‌లు.ఆయనకు ప్రేమకథా చిత్రాల హీరోగాపేరుంది. ఆయన నలుగురు భార్యల్లోమహానటి సావిత్రి ఒకరు. ప్రముఖ బాలీవుడ్‌నటి రేఖ ఆయన కుమార్తె. ఆయన తన ఎనబయ్యేళ్ల వయస్సులోవ్యక్తిగత కార్యదర్శిని పెళ్ళి చేసుకొని విమర్శల పాలయ్యాడు కూడా. అయితే అన్ని పెళ్ళిళ్ళు చేసుకున్నా చివరి రోజుల్లో ఆయన తన మొదటిభార్య వద్ద ఉన్నాడు.