హోమ్

న్యూస్

మాస్ ఫాలోయింగ్ ఉన్న నందమూరి కళ్యాణ్ రామ్, ఫ్యామిలీ ఆడియెన్స్‌కు నచ్చేలా చిత్రాలు చేసే సతీష్ వేగేశ్న కలిసి ప్రేక్షకులను పలకరించేందుకు వస్తున్నారు. ఎంత మంచివాడవురా అంటూ టైటిల్‌తోనే ఓ పాజిటివ్ వైబ్స్‌ను క్రియేట్ చేసిన చిత్రయూనిట్.. టీజర్, సాంగ్స్‌తో మంచి అంచనాలను పెంచింది. సంక్రాంతి కానుకగా రిలీజ్ కాబోతోన్న ఈ మూవీ ప్రీ రిలీజ్ ఈవెంట్‌ను నేడు నిర్వహిస్తున్నారు. ఈ కార్యక్రమానికి ఎన్టీఆర్ ముఖ్య అతిథిగా రానున్నాడు. ఈ ఈవెంట్ లైవ్ అప్‌డేట్స్ మీ కోసం..

దర్శకుడు సతీష్ మాట్లాడుతూ.. 'మన మంచి నందమూరి ఫ్యాన్స్ అందరికీ నమస్కారం.. నన్ను రైటర్‌గా చేసిన ముప్పలనేని శివ, దర్శకుడిగా చాన్స్ ఇచ్చిన ఈవీవీ, అల్లరి నరేష్ గారికి, మళ్లీ పునర్జన్మ ఇచ్చిన దిల్ రాజు, శిరీష్ గారికి అందరికీ థ్యాంక్స్. ఓ ఐదు నిమిషాలు ఇవ్వండి.. సినిమా గురించి మాట్లాడాలి. మా నాన్న 1963లో ఆ నందమూరి తారకరామారావు గారికి అభిమాని. నా వద్ద ఆ నందమూరి తారకరామారావు గారితో దిగిన ఫోటో ఉంది, ఈ నందమూరి తారక రామారావు గారితో దిగిన ఫోటో ఉంది.

నేను ఈ టైమ్‌లో సంతోషంగా ఉండాలో బాధపడాలో అర్థం కావడం లేదు. ఈ సమయంలో మా నాన్న గారు ఉంటేఎంతో సంతోష పడేవారు. ఎన్టీఆర్ మాస్ చేస్తే సింహాద్రి, క్లాస్ చేస్తే బృందావనం మిక్స్ చేసి చేస్తే అరవింద సమేత, జనతా గ్యారెజ్.. కళ్యాణ్ రామ్ క్లాస్ చేస్తే 118, మాస్ చేస్తే అతనొక్కడే మిక్స్ చేసి చేస్తే.. అదే ఎంత మంచి వాడవురా. మామూలుగా ఉండే మనుషులను సామాన్యులు, గౌరవంగా చూస్తే మాన్యులు, మంచి చేస్తే ధన్యులు అంటారు.. మీరంతా ధన్యుల'ని తెలిపాడు.