మేం ఎప్పుడో విడిపోయాం.. ప్రతి ఒక్కరి జీవితంలో ఒడిదుడుకులుంటాయ్.. విడాకులపై ఏస్తర్ ఎమోషనల్ పోస్ట్

విడిపోయాము..

గతేడాది నుంచి నన్న తరుచుగా అడుగున్న ప్రశ్నలకు సమాధానం ఇదే. ఈ విషయం గురించి మీరు ఇప్పటికే ఎన్నో రకాల ఊహలు, రూమర్స్, కామెంట్స్ చేస్తూ వచ్చారు. మీరు నా సమాధానం కోసం చాలా కాలం నుంచి ఎదురుచూస్తున్నారు. అవును. మేము అధికారికంగా విడిపోయాము అని ఏస్తర్ ప్రకటించింది.

ఎప్పుడో విడిపోయాం..

ఈ విషయాన్ని ప్రకటించడానికి దాదాపు ఏడాదికి పైగా ఎదురుచూస్తున్నాను. అయితే ఇది చట్టబద్ధంగా, అధికారికంగా నిర్ణయించిన తరువాతే చెబుదామని ఊరుకున్నాను. నోయెల్, నేను 2019 జనవరి 3 వ తేదీన వివాహం చేసుకున్నాము. మాకు పెళ్లైన కొద్ది రోజుల్లోకే మనస్పర్దలు వచ్చాయని ఏస్తర్ తెలిపింది.

అందుకే చెబుతున్నాం..

మేము వెంటనే గత ఏడాది జూన్‌లో మ్యూచువల్ డైవర్స్ కోసం దాఖలు చేశాము. కోర్టు నుంచి సరైన సమాచారం, విడాకులు మంజూరు చేసిన తరువాతే బయటకు చెప్పాలని ఇన్ని రోజులు సైలెంట్‌గా ఉన్నాము. నేను ఎదైనా సరే ముక్కు సూటిగా, నిజాయితీగా ఉంటాను. ఏది చెప్పినా అలాగే చెబుతాను. నోయల్, నా జీవితంతో ముడిపడి ఉన్న వారందరికీ ఈ విషయం తెలియాలని నేను ఇప్పుడు చెప్పాను అంటూ ఏస్తర్ పేర్కొంది.

దయచేసి అర్థం చేసుకోండి..

ఈ నిర్ణయం తీసుకోవడం వెనుక ఉన్నసున్నితమైన అంశాలను దయచేసి అర్థం చేసుకుంటారని భావిస్తున్నాను. అంతేకాకుండా నా ఈ నిర్ణయాన్ని మీరు గౌరవిస్తారని, ఎప్పటిలానే మీరు నా వెంటే ఉంటూ సపోర్ట్ చేస్తారని ఆశిస్తున్నాను. మనమందరం మనుషులం ... మన జీవితంలో ఒడిదొడుకులు ఎదురవుతుంటాయి ... ప్రతీ ఒక్కరికి ఇలాంటి స్థితి ఏర్పడవచ్చ.. బంధాలు విఫలం కావచ్చు.. అలాంటి సమయంలో ఎంతో ఒత్తిడి, అది ఎంత క్లిష్టంగా మాకు తెలుసు ...అటువంటి సమయాల్లో మీ నెగెటివ్ కామెంట్స్, ప్రశ్నలు లాంటివి మరింత బాధను కలిగిస్తాయి అంటూ ఏస్తర్ ఎమోషనల్ అయింది.

Recommended Video

Valayam Teaser Out | Laksh Chadalavada | Digangana

ఇదే చివరి ప్రకటన..

కాబట్టి ఈ విషయంపై ఇది నా ఏకైక, చివరి ప్రకటన. దయచేసి వీటి గురించి మళ్లీ నన్ను ఎక్కడా అడగకండి.. రకరకాల ప్రశ్నలు, ఇంటర్వ్యూలు, మీడియా దృష్టి మరల్చేందుకు పాట్లు పడటం, వ్యాఖ్యలు, నిజమైన లేదా వర్చువల్ ఏ రూపంలోనైనా చర్చించి మీ అందరినీ ఎంటర్టైన్ చేయడం నా పని కాదు. నేను చెప్పేది ఇదొక్కటే. నన్ను అర్థం చేసుకున్నందుకు, నాకు మద్దతు తెలిపినందుకు, చూపించిన ప్రేమ, మద్దతు, దయ, ప్రేయర్స్, ఆశీర్వాదాలు నాకు ఎప్పటికీ అలాగే కావాలి.. ఉండాలి. మీరు నాపై ప్రేమను కురిపించండ'ని ఏస్తర్ కోరుకుంది.