‘సరైనోడు’ పబ్లిక్ టాక్ ఎలా ఉందో తెలుసా?

హైదరాబాద్: అల్లు అర్జున్‌, ర‌కుల్ ప్రీత్‌సింగ్‌, కేథ‌రిన్ కీల‌క పాత్ర‌ల్లో న‌టించిన చిత్రం స‌రైనోడు. అల్లు అర‌వింద్ నిర్మాత‌. గీతా ఆర్ట్స్ ప‌తాకంపై రూపొందిన ఈ చిత్రానికి బోయ‌పాటి శ్రీను ద‌ర్శ‌క‌త్వం వ‌హించారు. ఈ రోజు 'సరైనోడు' చిత్రం వరల్డ్ వైడ్ గ్రాండ్ గా రిలీజైంది. అభిమానులు, ప్రేక్షకులను నుండి ఈ చిత్రానికి పాజిటివ్ రెస్పాన్స్ వస్తోంది.

స్టయిలిష్ స్టార్ అల్లుఅర్జున్ ఈ సినిమాలో లుక్ పరంగా చాలా కొత్తగా కనిపించాడని అంటున్నారు. డ్యాన్సులు, ఫైట్స్ తన ఎనర్జి లెవల్స్ కు తగిన విధంగా బన్నీ అదరగొట్టాడని టాక్. బన్నీ ఆల్రెడీ మాస్ హీరో....అయితే ఈ సినిమాతో తన మాస్ ఇమేజ్ లెవల్ మరింత పెరుగుతందని అంటున్నారు.

కథ పరంగా చూస్తే కొత్తగా ఏమీ లేదని టాక్. సినిమాలో హీరో క్యారెక్టరైజేషన్ పై పెట్టిన అటెన్షన్ మెయిన్ కథపై పెట్టినట్లు కనపడలేదు. భ్రద తరహా యాక్షన్ మూవీలా ఉందంటున్నారు. సెకండాఫ్ కథను ముందే ప్రేక్షకుడు ఊహించేవిధంగా ఉందట.

థమన్ మ్యూజిక్, బ్యాక్ గ్రౌండ్ స్కోర్, రిషి పంజాబీ సినిమాటోగ్రఫీ సినిమా హైలెట్ అయ్యాయట. బన్ని, మెగా అభిమానులు సినిమాను బాగా ఎంజాయ్ చేస్తున్నారు. సినిమా మాస్ ఎంటర్టెనర్ అని, సూపర్ గా ఉందని కొందరు అంటుంటే... మరికొందరు మాత్రం ఫర్వాలేదని అంటున్నారు. సినిమాపై ఆడియన్స్ రెస్పాన్స్‌కు సంబంధించిన వీడియో స్లైడ్ షోలో ఎక్స్‌క్లూజివ్ గా మీ కోసం..

మరో వైపు ఈ సినిమా విజయవంతం కావాలని ఆకాంక్షిస్తూ పలువురు సినీ తారలు సోషల్ మీడియా ద్వారా విషెస్ తెలిపారు. సరైనోడు చిత్రం బాక్సాఫీసును షేక్ చేయాలని రానా తన ట్విట్టర్ ద్వారా ఆకాంక్షించారు. మెగా హీరోలు సాయి ధరమ్ తేజ్, వరుణ్ తేజ్ కూడా సరైనోడు టీంకు విషెస్ తెలిపారు.