హిందీలోనూ అదరగొడుతున్న ‘F2’.. రెండు రోజులకే భారీ స్థాయిలో..

అమెజాన్‌ ప్రైమ్‌లోనూ సక్సెస్

‘F2' వెండితెరపైనే కాదు.. డిజిటల్ ఫ్లాట్‌ఫాంలోనూ సూపర్ సక్సెస్ అయింది. ముందుగా చేసుకున్న ఒప్పందం ప్రకారం ఈ సినిమా విడుదలైన యాభై రోజులకు అమెజాన్ ప్రైమ్‌లోకి వచ్చేసింది. దీంతో అక్కడా మంచి స్పందనను అందుకుంది. ఈ సినిమాను పెట్టిన తక్కువ వ్యవధిలోనే భారీ క్లిక్స్‌ను రాబట్టింది. ఈ విషయాన్ని సంస్థ ప్రతినిధులు గతంలోనే వెల్లడించారు.

తాజాగా హిందీలోకి...

అటు వెండితెరపై.. ఇటు డిజిటల్ ఫ్లాట్‌ఫాంపై ఘన విజయాన్ని అందుకున్న ‘F2'.. తాజాగా హిందీలోకి డబ్బింగ్ అయింది. తెలుగు సినిమాలకు యూట్యూబ్‌లో మంచి డిమాండ్ ఉండడంతో, ఈ సినిమాను అదే పేరుతో ఆదిత్య మూవీస్ చానెల్‌ ద్వారా విడుదల చేశారు.

రికార్డు వ్యూస్

ఈ సినిమా యూట్యూబ్‌లోకి వచ్చిన రెండు రోజుల్లోనే 18.7 మిలియన్ వ్యూస్ సాధించింది. అలాగే, దాదాపు రెండున్నర లక్షల లైకులు అందుకుంది. అంతేకాదు, ఈ సినిమా యూట్యూబ్‌లో ట్రెండ్ అవడంతో పాటు గంట గంటకూ వ్యూస్‌ను పెంచుకుంటూ దూసుకుపోతోంది. తెలుగు చిత్రాలకు హిందీలో బాగా డిమాండ్ ఉంది అనడానికి ఇది నిదర్శనంగా చెప్పవచ్చు.

ఇటీవలే రామ్ సినిమా కూడా

కొద్దిరోజుల క్రితం ఎనర్జిటిక్ స్టార్ రామ్ నటించిన ‘హలో గురూ ప్రేమ కోసమే'ను యూట్యూబ్‌లో విడుదల చేశారు. ఆదిత్యా మూవీస్ దీన్ని హిందీలోకి మార్చి ‘‘దుండార్ కిలాడీ '' పేరుతో రిలీజ్ చేసింది. దీంతో ఈ సినిమాకు ఊహించని స్థాయిలో రెస్పాన్స్ వస్తోంది. ఈ సినిమా కూడా భారీ వ్యూస్ సొంతం చేసుకోవడం విశేషం.