Click it and Unblock the Notifications
అభిమానుల తాకిడి..గాయపడిన స్నేహాఉల్లాల్
స్నేహా ఉల్లాల్ ముందుగా అభిమానులకు అభివాదం చేస్తూ రిబ్బన్ కట్ చేసి షోరూంను ప్రారంభించారు. అనంతరం షోరూంలో ఉన్న వివిధ రకాల కళ్ల జోళ్లను ఆమె పరిశీలించారు. కొన్ని మోడల్స్ను ధరించి అభిమానులకు కనువిందు చేశారు. ఈ సందర్భంగా ఉల్లాల్ మాట్లాడుతూ... సంస్థకు చెందిన కొన్ని మోడల్స్ను తాను వాడినట్లు స్నేహ ఉల్లాల్ తెలిపారు. ఈ కార్యక్రమంలో సంస్థ యజమాని వెంకటరెడ్డి, సిబ్బంది పాల్గొన్నారు.సిల్వర్ జూబ్లీ చిత్రాలతో ప్రేక్షకుల ముందుకు...త్వరలో సిల్వర్ జూబ్లీ ఆడే చిత్రాలతో ప్రేక్షకులను అలరిస్తానని నటి స్నేహ ఉల్లాల్ చెప్పారు. దూకుడు చిత్ర నిర్మాతతో తెలుగు, హిందీ భాషలో ఓ చిత్రాన్ని రూపొందిస్తున్నారన్నారు. మరోమూడు చిత్రాలకు కథ విని ఓకే చేసినట్లు ఉల్లాల్ వివరించారు. నెల రోజుల్లో రెండు చిత్రాల షెడ్యూల్ను ప్రారంభిస్తున్నారని పేర్కొన్నారు.
కొరిటెపాడులో సందడి వాతావరణంస్నేహ ఉల్లాల్ కొరిటెపాడులోని కళ్లజోళ్ల దుకాణం ప్రారంభోత్సవానికి వస్తుందని తెలుసుకొని ప్రేక్షకులు, అభిమానులు అక్కడికి తరలివచ్చారు. ఆమె కారు నుంచి దిగగానే కేరింతలు కొడుతూ ఆనందం వ్యక్తం చేశారు. ఆమెను దగ్గర నుంచి చూసేందుకు యువకులు, మహిళలు, పిల్లలు పెద్ద ఎత్తున తరలివచ్చారు. ఆమెను చూసేందుకు ప్రేక్షకులు రావటంతో అక్కడ తోపులాట సంభవించింది. దీంతో స్నేహ ఉల్లాల్ ఎడమ కాలుకు స్వల్ప గాయమైంది. కొద్ది సేపటి తరువాత ఆమె షోరూంను ప్రారంభించారు. పోలీసులు ప్రేక్షకులను చదరగొట్టారు.
Continue with Google