‘గౌతమిపుత్ర శాతకర్ణి’ ఫస్ట్‌లుక్‌ వచ్చేసింది! అదిరింది

హైదరాబాద్‌: అభిమానులు ఎదురుచూస్తున్న 'గౌతమిపుత్ర..' ఫస్ట్‌లుక్‌ వచ్చేసింది. బాలయ్యం ఎంతో ప్రతిష్టాత్మకంగా బావించి చేస్తున్న ఈ వందో చిత్రం చారిత్రికం కావటంతో అందరి దృష్టీ దానిపైనే ఉంది. క్రిష్ ఈ విషయాన్ని అర్దం చేసుకుని అత్యంత జాగ్రత్తగా ప్రతీ విషయం అద్బుతంగా ఉండేలా తీర్చిదిద్దే ప్రయత్నం చేస్తున్నారు.

శుక్రవారం బాలకృష్ణ పుట్టిన రోజు సందర్భంగా చిత్ర యూనిట్ 'గౌతమిపుత్ర...' ఫస్ట్‌లుక్‌ను విడుదల చేసింది. ఈ ఫస్ట్ లుక్ చాలా బాగుందంటూ అన్ని చోట్ల నుంచి మంచి రెస్పాన్స్ వస్తోంది.

ఇందులో బాలకృష్ణ టైటిల్‌ రోల్‌ పోషిస్తున్నారు. ఆయన సరసన శ్రియను చిత్ర బృందం ఇటీవలే ఎంపిక చేసింది. ఈ చిత్రానికి దేవిశ్రీ ప్రసాద్‌ స్వరాలు సమకూరుస్తున్నారు. పోస్టర్‌పై హ్యాపీబర్త్‌డే 'బసవతారకరామపుత్ర బాలకృష్ణ' అంటూ యూనిట్‌ ఆయనకు పుట్టిన రోజు శుభాకాంక్షలు తెలిపింది.

ఈ పుట్టిన రోజుతో బాలయ్య 56వ ఏట అడుగెడుతున్నారు. జాగర్లమూడి రాధాకృష్ణ (క్రిష్) దర్శకుడు. ఫస్ట్ ఫ్రేమ్ ఎంటర్టైన్‌మెంట్ పతాకంపై జాగర్లమూడి సాయిబాబా, రాజీవ్ రెడ్డి నిర్మిస్తున్నారు. బిబో శ్రీనివాస్ సమర్పకుడు.

ఇటీవల మొరాకోలో యుద్ధ సన్నివేశాలు తెరకెక్కించిన సంగతి తెలిసిందే. ఆ సన్నివేశాల్లోని స్టిల్‌నే ఫస్ట్‌లుక్ పోస్టర్‌గా విడుదల చేశారు. ఇదిలా ఉంటే త్వరలో ఈ సినిమా మూడో షెడ్యూల్ ప్రారంభం కానుంది. ఇందులో హీరోయిన్ గా ఎంపికైన శ్రేయ కూడా పాల్గోనుంది.