హ్హహ్హహ్హ.... ‘అత్తారింటికి దారేది’ చూస్తే అంతే!

హైదరాబాద్ : పవర్ స్టార్ పవన్ కళ్యాణ్ హీరోగా త్రివిక్రమ్ దర్శకత్వంలో రూపొందుతున్న 'అత్తారింటికి దారేది' చిత్రం చూస్తే, హ్హహ్హహ్హ...హ్హహ్హహ్హ...హ్హహ్హహ్హ అంటూ కడుపారా నవ్వుకోవచ్చు. దర్శకుడు త్రివిక్రమ్ శ్రీనివాస్ ఈచిత్రాన్ని పూర్తి ఎంటర్టెన్మెంట్ సబ్జెక్టుతో హాస్యభరితంగా రూపొందిస్తున్నారు.

ముఖ్యంగా త్రివిక్రమ్ ఈ సినిమా కోసం మంచికామెడీ టైమింగ్ ఉన్న పంచ్ డైలాగులను బోలెడు రాసాడట. ఈ సినిమాలో నటిస్తున్న వారు సైతం ఆ డైలాగులు విని ఔరా అంటున్నారు. ఇటీవల హీరోయిన్ సమంత దర్శకుడు త్రివిక్రమ్ డైలాగులను ఓ రేంజిలో పొగిడేసింది. ఆయన మాటలతో మాయచేస్తారని, ఈ సినిమా మంచి ఫ్యామిలీ ఎంటర్టెనర్ అని కితాబిచ్చేసింది.

ఈ చిత్రానికి 'అత్తారింటికి దారేది' టైటిల్ అఫీషియల్‌గా ఖరారు చేసారు. ఈ మేరకు చిత్ర నిర్మాతలు ఓ ప్రకటన విడుదల చేసారు. ఈ చిత్రాన్ని ఆగస్టు 7న వరల్డ్ వైడ్‌గా విడుదల చేసేందుకు సన్నాహాలు చేస్తున్నారు. నిర్మాత బి.వి.ఎస్.ఎన్ ప్రసాద్ ఈ చిత్రం గురించి మాట్లాడుతూ..'పవన్ కళ్యాన్, త్రివిక్రమ్ కాంబినేషన్లో వస్తున్న బెస్ట్ ఫ్యామిలీ ఎంటర్టెనర్ ఇది. ఈ చిత్రానికి 'అత్తారింటికి దారేది' టైటిల్ హండ్రెడ్ పర్సెంట్ యాప్ట్ అవుతుందని దాన్నే ఖరారు చేసాం' అన్నారు.

ఈ చిత్రంలో పవన్ సరసన సమంత హీరోయిన్. సంగీతం : దేవిశ్రీ ప్రసాద్, ఫోటోగ్రఫీ : ప్రసాద్ మూరెళ్ల, ఫైట్స్ : పీటర్ హెయిన్స్, ఆర్ట్ : రవీందర్, కో ప్రొడ్యూసర్స్ : భోగవల్లి బాపినీడు, రిలయన్స్ ఎంటర్టెన్మెంట్స్, నిర్మాత : బివిఎస్ఎన్ ప్రసాద్, రచన-దర్శకత్వం : త్రివిక్రమ్ శ్రీనివాస్.