ప్రియుడితో సింగర్ గీతా మాధురి వివాహం (ఫోటోలు)

By Bojja Kumar

Updated: Monday, February 10, 2014, 11:19 [IST]

హైదరాబాద్: ప్రముఖ గాయని గీతామాధురి వివాహం నటుడు నందుతో ఆదివారం రాత్రి హైదరాబాద్‌ నాగోల్ లోని శుభం కన్వెన్షన్ సెంటర్‌లో ఘనంగా జరిగింది. ఈ కార్యక్రమానికి పలువురు సినీ ప్రముఖులు హాజరయ్యారు. దర్శకుడు రాఘవేంద్రరావు, సంగీత దర్శకుడు కీరవాణి, గాయకుడు ఎస్పీ బాలసుబ్రహ్మణ్యం, ఆర్పీ పట్నాయక్, ఎస్. జానకితో పాటు పలువురు హాజరయ్యారు.

గత కొంత కాలంగా గీతా మాధురి, నందు ప్రేమించుకుంటున్నారు. వీరి మధ్య మొదలైన స్నేహం ప్రేమగా మారింది. ఇరు వర్గాల పెద్దలు అంగీకారంతో జీవిత భాగస్వాములయ్యారు. నటుడిగా ఇప్పుడిప్పుడే వెలుగులోకి వస్తున్న నందు శివనాగేశ్వరరావు దర్శకత్వం వహించిన 'ఫోటో' సినిమాతో తెరంగేట్రం చేసారు.

ఆమధ్య వచ్చిన '100% లవ్' సినిమాతో నందు గుర్తింపు తెచ్చుకున్నాడు. 100% అందులో తమన్నాను ప్రేమించే యువకుడిగా నందు నటించాడు. కాగా... ఇటీవలే 'అదితి' అనే లఘు చిత్రంలో నందు, గీతామాధురి కలిసి నటించారు. ఇప్పటి వరకు సింగర్ గీతా మాధురిని కేవలం తెర వెనక సింగర్ గా మాత్రమే పరిమితం అయింది. ఇప్పుడు ఆమె తన కాబోయే భర్త నందుతో షార్ట్ ఫిలింస్‌లో నటించడం చూస్తూ ఇద్దరూ కలిసి కట్టుగా నటనా రంగంలో ఎదగాలనే ఆలోచనలో ఉన్నట్లు స్పష్టమవుతోంది.

గీతా మాధురి, నందు వివాహాలకు సంబంధించిన ఫోటోలు, మరిన్ని వివరాలు స్లైడ్ షోలో.....

గీతా మాధురి, నందు

గీతా మాధురి, నందు వివాహం ఆదివారం రాత్రి హైదరాబాద్ లో గ్రాండ్‌గా జరిగింది. ప్రముఖ గాయకుడు ఎస్పీ బాలసుబ్రహ్మణ్యం నూతన దంపతులను ఆశీర్వదిస్తున్న దృశ్యం ఇక్కడ చూడొచ్చు.