ఓ లుక్కేయండి: ఫోటోల్లో ‘గోపాల గోపాల’ టోటల్ మూవీ!

By Bojja Kumar

Updated: Wednesday, January 7, 2015, 19:54 [IST]

హైదరాబాద్: హిందీలో హిట్టయిన ‘ఓ మై గాడ్' చిత్రాన్ని తెలుగులో ‘గోపాల గోపాల' చిత్రంగా రీమేక్ చేసారు. సంక్రాంతికి ఈ చిత్రం ప్రేక్ష్కుల ముందుకు వస్తోంది. హిందీలో అక్షయ్ కుమార్ పోషించిన పాత్రను పవన్ కళ్యాణ్, పరేష్ రావల్ పాత్రను వెంకటేష్ పోషించారు.

https://www.facebook.com/TeluguFilmibeat

తాజాగా ‘గోపాల గోపాల' ఈ చిత్రానికి సంబంధించిన పబ్లిసిటీ డిజైన్స్ విడుదల చేసారు. ఈ ఫోటోలు చూస్తూ దాదాపుగా సినిమా మొత్తం అర్థం అవుతుంది. శివుడాజ్ఞ లేనిదే చీమైనా కుట్టదంటారు. విశ్వంలో సంభవించే ప్రతి విలయానికీ, ప్రతి అద్భుతానికీ దేవుడే కారణభూతుడు. సృష్టించేది దైవమే, నశింపజేసేదీ దైవమే. భగవద్గీత, ఖురాన్, బైబిల్... ఇలా ఏ పవిత్ర గ్రంథమైనా చెప్పేది ఇదే. మరి అలాంటప్పుడు మనిషి బాధలకు బాధ్యుడు దైవం కాక ఇంకెవరు? అని ప్రశ్నిస్తాడో సామాన్యుడు. ప్రకృతి విలయాన్ని సృష్టించి తన జీవనోపాధిపై దెబ్బకొట్టిన దైవంపై కోర్టుకెక్కాడు.

దైవమో, లేక ఆయన అనుచరులుగా చెప్పుకుంటున్న మతగురువులో ఎవరో ఒకరు తనకు నష్టపరిహారం చెల్లించాలని న్యాయదేవత ముందు గగ్గోలు పెడతాడు. మరి అభియోగం మోపబడ్డ దైవం ఏం చేసింది? ఆ వ్యక్తికి న్యాయస్థానంలో న్యాయం జరిగిందా? ఆసక్తికరమైన ఈ కథాంశంతో బాలీవుడ్‌లో తెరకెక్కిన చిత్రం 'ఓ మైగాడ్'. దేవునిపై కోర్టుకెక్కిన సామాన్యుడి పాత్రలో పరేశ్‌రావల్ జీవిస్తే, దైవంగా అక్షయ్‌కుమార్ అదరహో అనిపించేశారు. ఈ మధ్యకాలంలో బాలీవుడ్ తెరపై వచ్చిన అమోఘమైన ప్రయోగం 'ఓ మైగాడ్'.

ఈ కథను తెలుగీకరించాలనే ఆలోచన రావడమే పెద్ద సాహసం. ఈ విషయంలో నిర్మాతలు డి.సురేశ్‌బాబు, శరత్‌మరార్‌ను అభినందించాల్సిందే. ఇందులో పరేశ్‌రావెల్ పాత్రను వెంకటేశ్, అక్షయ్‌కుమార్ పోషించిన శ్రీకృష్ణుడి పాత్రను పవన్‌కల్యాణ్ పోషిస్తున్న విషయం తెలిసిందే. సవాల్‌గా తీసుకొని వీరిద్దరూ ఈ పాత్రల్ని పోషించారనితెలిసింది. కొంచెం ఇష్టం-కొంచెం కష్టం, తడాఖా చిత్రాల దర్శకుడు డాలీ ఈ చిత్రానికి దర్శకుడు. కథలోని ఆత్మ దెబ్బ తినకుండా ఇప్పటికే కొన్ని మార్పులు చేర్పులు కూడా చేసినట్లు తెలిసింది. మాతృకలో చేసిన పాత్రనే ఇందులో మిథున్ చక్రవర్తి పోషించారు.

స్లైడ్ షోలో ఫోటోలు....

సామాన్య వ్యాపారి

దేవుడి బొమ్మల వ్యాపారం చేసే వ్యాపారి పాత్రలో వెంకటేష్ నటించారు. కానీ అతనికి దేవుడిపై పెద్దగా నమ్మకం ఉండదు.

చక్కనైన ఫ్యామిలీ

వెంకటేష్, శ్రీయ చక్కిన ఫ్యామిలీగా నటించారు. వారి పాత్రలు ఆకట్టుకునే విధంగా ఉంటాయి.

సంతోషాల హరివిల్లు

వారి ఇల్లు ఎప్పుడూ సంతోషాల హరి విల్లులా ఉంటుంది. కానీ అనుకోని సంఘటన వారిని ఇబ్బందుల్లో పడేస్తుంది.

ఇన్సూరెన్స్ డబ్బులు రావు

ప్రకృతి విలయం వల్ల తన షాపుకు నష్టం జరిగిందనే కారణంతో ఇన్సూరెన్స్ కంపెనీ వారు పరిహారం ఇవ్వరు. దీంతో దేవుడిపై కేసు వేస్తాడు. వారి దూతలుగా చెప్పుకునే స్వామిజీలను కోర్టుకు లాగుతాడు.