విశాఖ అందాల మధ్య ఎన్నారై హీరో సిన్మా 'గ్రాడ్యుయేట్'

By Santaram

| Published: Friday, July 30, 2010, 15:20 [IST]

మరో ప్రవాస భారతీయుడు తెలుగు తెరమీదికి వచ్చాడు. ఎన్నారై అక్షయ్ కథానాయకుడిగా పరిచయమవుతున్న చిత్రం 'గ్రాడ్యుయేట్'. తషు కౌశిక్ నాయిక. శివాజీ అత్తలూరి నిర్మాత. ప్రసాద్ రాయల దర్శకత్వం వహిస్తున్నారు. ఈ చిత్రం షూటింగ్ ప్రస్తుతం విశాఖపట్టణంలో జరుగుతోంది. నిర్మాత మాట్లాడుతూ 'టాకీ పూర్తయింది. ఇప్పుడు పాటలను చిత్రిస్తున్నాం. ఆగస్టులో నిర్మాణానంతర కార్యక్రమాలను పూర్తి చేస్తాం.

వచ్చేనెల రెండో వారంలో పాటలను కూడా విడుదల చేస్తాం. అందరినీ అలరించే సినిమా అవుతుంది'అని అన్నారు. రితికా సూద్, రంజిత్, మనోజ్, చంద్రమోహన్, బ్రహ్మానందం, కృష్ణభగవాన్, కొండవలస, కళ్ళు చిదంబరం, ప్రసన్నకుమార్ తదితరులు ఇతర పాత్రధారులు. సంగీతం: సందీప్, కెమెరా: మురళి, మాటలు: చోడవరం చైతన్య, కళ: కృష్ణ.