8 నెలలు కష్టపడ్డా, రవితేజ అలా చేయడంతో బాధపడ్డా: బోరుమంటున్న దర్శకుడు

‘రాజా ది గ్రేట్’ కంటే ముందే అనుకున్నారు

‘రాజా ది గ్రేట్' సినిమా కంటే ముందే ‘బోగన్' తెలుగు రీమేక్‌కు రవితేజ ఓకే చెప్పారు. ఈ చిత్రంలో ర‌వితేజ‌ను హీరోగా, కేథ‌రీన్‌ను హీరోయిన్‌గా అనుకున్నారు. త‌మిళ న‌టుడు ఎస్‌జే సూర్య‌తో విలన్ రోల్ చేయించాలనుకున్నారు.

బోరుమన్న దర్శకుడు

జ‌యం ర‌వి, అర‌వింద్ స్వామిలు న‌టించిన 'బోగ‌న్' చిత్రానికి తమిళంలో లక్ష్మణ్ దర్శకత్వం వహించారు. ఈ కథను రవితేజకు వినిపించడంతో ఆయనకు నచ్చి ఒకే చెప్పాడు. తాను ఎంతో కష్టపడి రవితేజ ఇమేజ్‌కు తగిన విధంగా స్క్రిప్టులో మార్పులు చేసిన తర్వాత చేయను అని చెప్పడంతో దర్శకుడు లక్ష్మణ్ బోరుమంటున్నాడు.

చాలా బాధపడ్డాను

ఈ సినిమా చేయ‌డానికి ర‌వితేజ ఒప్పుకోవ‌డంతో దాదాపు ఎనిమిది నెల‌లు క‌ష్ట‌ప‌డి స్క్రిప్ట్‌లో మార్పులు చేశానని, రవితేజ ఇలా చేయడంతో చాలా బాధ కలిగిందని, తన కష్టం అంతా వృధా అయిందని దర్శకుడు ఆవేదన వ్యక్తం చేశారు.

ఏం చేయాలో అర్థం కాలేదు

రవితేజ సినిమా చేయడానికి నో చెప్పడంతో ఏం చేయాలో అర్థం కావడం లేదు. ఇదే కథను వేరే హీరోతో చేయాలా? లేక మరో ప్రాజెక్టు మొదలు పెట్టాలా? అనే ఒక నిర్ణయానికి రావడానికి కొంత సమయం పడుతుంది అని లక్ష్మణ్ తెలిపారు.