విజయ్ దేవరకొండ ఓవర్ నైట్ స్టార్ కాదు... ఎన్టీఆర్ మనవడైనా ఇక్కడ అంతే!

విజయ్ దేవరకొండ ఓవర్ నైట్ స్టార్ అవ్వలేదు

విజయ్ దేవరకొండ రెండు మూడు సినిమాలతో ఓవర్ నైట్ స్టార్ అయ్యాడంటే నేను ఒప్పుకోను. అతడు చాలా కష్టపడ్డాడు.లైఫ్ ఈజ్ బ్యూటిఫుల్ సినిమాలో చాలా చిన్న రోల్ చేశాడు. ఆ తర్వాత అవకాశాల కోసం చాలా స్ట్రగుల్ అయ్యాడు. అతడి టాలెంటుకు తగిన మంచి కథలు పడటంతో సూపర్ హిట్స్ అందుకున్నాడని అరుణ్ అదిత్ తెలిపారు.

నాని చేయాల్సిన విలన్ రోల్ నేను చేశాను

నేను ఫస్ట్ నుంచీ హీరోగా చేస్తున్నాను, చిన్న చిన్న పాత్రలు అయితే చేయలేదు. మొన్న ధనుష్ మూవీ ‘నవ మన్మధుడు'లో విలన్‌గా చేశాను. ఆ రోల్ బావుంది కాబట్టి విలన్‌గా చేయడానికి ఒప్పుకున్నాను. వాస్తవానికి అది నాని చేయాల్సిన పాత్ర, కొన్ని కారణాల వల్ల నాకు దక్కిందని అరుణ్ అదిత్ తెలిపారు.

ఎన్టీఆర్ మనవడైనా అంతే..

ఇండస్ట్రీలో ఏ నటుడూ ఓవర్ నైట్ స్టార్ కాలేరు. బ్యాకింగ్ ఉంటే కాస్త తక్కువ కష్టపడాలేమో? అది వేరే యాంగిల్‌లో కష్టపడాలి. తారక్ అన్న ఎన్టీఆర్ మనవడు అయినప్పటికీ ఎంతో కష్టపడ్డాడు. రామ్ చరణ్, బన్నీ కూడా అంతే. రెండు రాష్ట్రాలు వారి సినిమాల కోసం ఎదురు చూస్తున్నారంటే వారు ఎంత ఎఫర్ట్ పెట్టి కష్టపడ్డారో ప్రత్యేకంగా చెప్పక్కర్లేదన్నారు.

24 కిస్సెస్

అరుణ్‌ ఆదిత్‌, హెబ్బా పటేల్‌ జంటగా నేషనల్ అవార్డ్ విన్నర్ అయోధ్యకుమార్‌ క్రిష్ణంశెట్టి దర్శకత్వంలో తెరకెక్కుతున్న చిత్రం '24 కిస్సెస్‌'. స‌ంజ‌య్ రెడ్డి, అనిల్ ప‌ల్లాల‌ నిర్మాతలు. నవంబర్ 23న ఈ చిత్రం విడుదలైంది.