హీరో సునీల్ బర్త్ డే సెలబ్రేషన్స్ (ఫోటోస్)

By Bojja Kumar

Updated: Monday, February 29, 2016, 12:21 [IST]

హైదరాబాద్: హీరో సునీల్ జన్మదిన వేడుకలు నేడు సరూర్ నగర్ లోని విక్టోరియా మెమోరియల్ స్కూల్ లో చిన్నారుల సమక్షంలో ఘనంగా జరుపుకొన్నాడు. స్కూల్ బాగోగుల కోసం సహాయార్ధం గతంలో 2 లక్షల రూపాయల విరాళాన్ని అందించిన సునీల్.. ఈ ఏడాది చిన్నారుల కోరిక మేరకు వారి చదువుకు అవసరమైన 55 అంగుళాల సామ్ సంగ్ టివి సమకూర్చాడు.

ఈ సందర్భంగా సునీల్ మాట్లాడుతూ.....ఎడ్యుకేషన్ ఛానల్స్ లో వస్తున్న కార్యక్రమాల కోసం టీవీ అయితే బావుంటుందని సిబ్బంది సూచించడంతో నా బర్త్ డే గుర్తుగా దీన్ని బహూకరించినట్లు తెలిపారు.

ఇటీవల "కృష్ణాష్టమి" చిత్రంతో మంచి విజయాన్ని సొంతం చేసుకొన్న సునీల్.. ప్రస్తుతం వీరు పోట్ల దర్శకత్వంలో తెరకెక్కుతున్న "ఈడు గోల్డ్ ఎహే" చిత్రంలో నటిస్తున్నాడు.

ఇకపోతే.. చిన్నారుల సమక్షంలో జన్మదిన వేడుకలు జరుపుకోవడంతోపాటు వారి విద్యాభ్యాసానికి అవసరమైన టివిని సమకూర్చడం, వారితో సంతోషంగా గడపడం పిల్లలకు మానసిక సంతృప్తినిచ్చిందని, సునీల్ ఇదే విధంగా భవిష్యత్ మరింత స్టార్ డమ్ దక్కించుకొని.. ఇదే విధంగా ఎంతో మందికి సహాయపడాలని విక్టోరియా మెమోరియల్ స్కూల్ సిబ్బంది కోరుకొన్నారు!

స్లైడ్ షోలో ఫోటోస్....