హీరో తరుణ్ బర్త్ డే వేడుకలు.. సందడి చేసిన తారలు.. పిక్స్ వైరల్

చివరగా అలా..

తరుణ్ చివరగా ఇది నా లవ్ స్టోరీ అనే చిత్రంతో అదృష్టాన్ని పరీక్షించుకున్నాడు. కానీ అది కూడా అంతగా వర్కవుట్ అవ్వలేదు. తరుణ్ తన అభిమానులను మళ్లీ నిరాశ పరిచాడు. ఒకప్పుడు బ్యాక్ టు బ్యాక్ హిట్లు ఇచ్చిన తరుణ్ ఇలా వెనుకపడిపోయాడేంటని అభిమానులు తెగ ఫీలవుతున్నారు.

అలా వైరల్..

నువ్వే కావాలి సినిమా వచ్చి 20 యేళ్లు అయిన సందర్భంగా తరుణ్ గ్రాండ్‌గా సెలెబ్రేట్ చేసుకున్నాడు. అలా తరుణ్ మళ్లీ వార్తల్లోకి ఎక్కాడు. తరుణ్ పిక్స్ చాలా రోజుల తరువాత అలా బయటకు వచ్చాయి. నువ్వే కావాలి సినిమా నాటి గుర్తులను తరుణ్ నెమరు వేసుకున్నాడు.

తరుణ్ బర్త్ డే..

తరుణ్ బర్త్ డే (జనవరి 8) సందర్భంగా నిన్న అంతా కూడా సోషల్ మీడియాలో పోస్ట్‌లు వైరల్ అయ్యాయి. హీరో శ్రీకాంత్, రాజీవ్ కనకాల, అల్లరి నరేష్, సమీర్, శర్వానంద్ వంటి వారంతా తరుణ్‌కు స్పెషల్ విషెస్ అందించారు. అయితే తరుణ్ సినిమాలతో అలరించకపోయినా సీసీఎల్ అంటూ రచ్చ చేస్తుంటాడు. తన క్రికెట్ టీంలో ఎక్కువ యాక్టివ్‌గా ఉంటాడు.

స్పెషల్ పార్టీ..

తన సన్నిహితులకు మాత్రం నిన్న గ్రాండ్ పార్టీ ఇచ్చినట్టు కనిపిస్తోంది. తరుణ్ బర్త్ డే సందర్భంగా కొన్ని ఫోటోలు సోషల్ మీడియాలో తెగ వైరల్ అవుతన్నాయి. ఈ క్రమంలో బిగ్ బాస్ ఫేమ్ సామ్రాట్ షేర్ చేసిన కొన్ని ఫోటోలు నెట్టింట తెగ హల్చల్ చేస్తున్నాయి.

శ్రీకాంత్, రాజీవ్ అలా...

టాలీవుడ్ లవర్ బాయ్ అండ్ ఎనర్జిటిక్ స్టార్ తరుణ్‌కు హ్యాపీ బర్త్ డే.. నీకు మరిన్ని విజయాలు చేకూరాలని కోరుకుంటున్నాను అంటూ రాజీవ్ కనకాల పోస్ట్ చేశాడు. హ్యాపీ బర్త్ డే తరుణ్.. నీకు ఆయురారోగ్యాలు సుఖసంతోషాలు కలగాలని శ్రీకాంత్ పోస్ట్ చేశాడు.