తేజ ‘హోరా హోరీ’: ఆడియన్స్ రివ్యూ

హైదరాబాద్: వరుసగా పరాజయాలు ఎదురవుతున్నా తట్టుకుని నిలబడ్డ దర్శకుడు తేజ తాజాగా మరో ప్రేమ కథా చిత్రం ‘హోరా హోరీ'తో ఈ రోజు ప్రేక్షకుల ముందుకొచ్చాడు. వరుస పరాజయాలు ఉన్నా తేజ సినిమాలంటే ఇంకా కొంత క్రేజ్ ఉంది. అయితే ఆయన ఈ సారి కూడా మళ్లీ ప్రేక్షకులను నిరాశ పరిచినట్లు స్పష్టమవుతోంది.

తేజ సినిమాలపై అభిమానంతో ఈ రోజు ఉదయాన్నే సినిమా థియేటర్లకు వెళ్లిన వారు....ఈ సినిమా చూడటం మా వల్ల కాదంటూ ట్విట్టర్లో చేసిన కామెంట్స్ ఇపుడు హాట్ టాపిక్ అయ్యాయి. సోషల్ మీడియా ద్వారా ‘హోరా హోరీ' సినిమాపై నెగెటివ్ టాక్ వైరల్ లా స్ప్రెడ్ అయింది.

కొందరయితే తేజ తన సినిమాతో ప్రేక్షకులను టార్చర్ పెట్టారంటూ మండి పడ్డారు. మరికొందరు సినిమా మొత్తం థియేటర్లో కూర్చొని చూసే విధంగా లేదని, మధ్యలోనే లేచి వచ్చామంటూ మరికొందరు తమ అభిప్రాయాన్ని వెల్లడించారు. వరుస పరాజయాలతో సతమతం అవుతున్న తేజకు ‘హోరా హోరీ' నెగెటివ్ టాక్ పెద్ద షాక్ అనే చెప్పాలి. అయితే కొందరు మాత్రం సినిమాపై పాజిటివ్ గానే స్పందించారు.