Don't Miss!
- News రూ.100 తో ఊరు వదిలాడు.. రూ.200 కోట్లకు అధిపతి
- Sports RCB Playing XI: అతనికి నిరాశే.. సన్రైజర్స్ హైదరాబాద్తో తలపడే ఆర్సీబీ తుది జట్టు ఇదే!
- Lifestyle పురుషుల్లో ఈ లక్షణాలు ఉంటే.. ఖచ్చితంగా డిప్రెషన్కు గురైనట్టే..!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
మీ టీఆర్పీ ఆటలోకి నన్ను లాగొద్దు.. నా భార్య, పిల్లలే ముఖ్యం: కౌశల్ రిక్వెస్ట్
'బిగ్ బాస్ 2' టైటిల్ గెలిచిన తర్వాత కౌశల్ మండ తెలుగు రాష్ట్రాల్లో చేసిన హడావుడి అంతా ఇంతా కాదు. ఈ రియాల్టీ షో ద్వారా వచ్చిన గుర్తింపును సద్వినియోగం చేసుకుని, కౌశల్ ఆర్మీ పేరుతో ఏర్పడిన అభిమానాన్ని బాగా వాడేసుకుని... వీలైతే సినిమా సెలబ్రిటీగా, లేక పోతే పాలిటికల్ సెలబ్రిటీ ఎదిగాలని ఆశపడ్డాడు. అయితే కౌశల్ ఆర్మీలోని సభ్యులకు, కౌశల్ మండకు మధ్య ఏర్పడిన విబేధాలు చివరకు కౌశల్ సెలబ్రిటీ స్టేటస్ ఒకే ఒక్క రాత్రిలో కుప్పకూలిపోయేలా చేశాయి. ఒకరి తప్పులను ఒకరు వేలెత్తి చూపుకుంటూ... ఇటు కౌశల్, అటు కౌశల్ ఆర్మీ సభ్యులు మీడియాకెక్కిన సంగతి తెలిసిందే.
మీడియాకు దూరంగా కౌశల్
ఇరు వర్గాల్లో తప్పు ఎవరిది? అంటే ఎవరి వాదన వారు వినిపిస్తున్నారు. వీరి మధ్య జరిగే గొడవలు ఏ పనీ లేకుండా ఇంట్లో ఖాళీగా కూర్చుండే జనాలకు మంచి టైం పాస్ కార్యక్రమంలా తయారయ్యాయి. దీంతో కొన్ని మీడియా సంస్థలు ఇరు వర్గాలను పిలిచి డిబేట్లు పెట్టడానికి ఆసక్తి చూపుతున్నాయి. రెండు మూడు టీవీ ఛానల్స్కు కౌశల్ వెళ్లి మాట్లాడగా... ఆయా షోలకు మంచి టీఆర్పీ రేటింగ్స్ వచ్చాయి. ఈ నేపథ్యంలో మరిన్ని ఛానల్స్ వారు కూడా కౌశల్తో షోలు చేయడానికి ఆసక్తి చూపుతున్నారు. అయితే ఏ ఛానల్ వెళ్లినా చివరకు తనే ఇబ్బంది పడాల్సిన పరిస్థితులు వస్తుండటంతో కౌశల్ మీడియాకు దూరంగా ఉండాలని నిర్ణయించుకున్నారట.
మీ టీఆర్పీల ఆటలోకి నన్ను లాగొద్దు
ఈ విషయాన్ని కౌశల్ తన సోషల్ మీడియా పేజీ ద్వారా వెల్లడిస్తూ... ‘నాపై వచ్చే సిల్లీ ఆరోపణల విషయంలో మీడియా వారు నన్ను సంప్రదించడం ఆపాలని రిక్వెస్ట్ చేస్తున్నాను. నా వద్ద ఉన్న అన్ని ఆధారాలు ఆ రోజు ప్రెస్ మీట్లోనే చూపించా, నేను ఏదైనా తప్పు చేసి ఉంటే చట్టం నన్ను శిక్షిస్తుంది. దయచేసి ఇక ఈ వ్యవహారంలోకి నన్ను లాగొద్దు, మీ టీఆర్పీ రేటింగులు పెంచుకోవడానికి నన్ను వాడుకోవద్దు' అంంటూ ట్వీట్ చేశారు.
నా కుటుంబం, పిల్లల బాధ్యతే ముఖ్యం
అన్నింటికంటే నాకు నా భార్య, పిల్లలు, కుటుంబం ముఖ్యం. నా భార్య అనారోగ్యంతో బాధపడుతోంది. నా మెంటల్ హెల్త్, నా భార్య ఫిజికల్ హెల్త్ బాగోలేదు. ఈ ప్రభావం మా పిల్లలపై పడకుండా చూసుకోవాల్సిన బాధ్యత నాపై ఉంది. అందుకే ఇతర అంశాలన్నింటినీ పక్కన పెట్టే... ఈ కఠిన పరిస్థితుల నుంచి బయటపడేందుకు ప్రయత్నిస్తున్నాను.. అని కౌశల్ తెలిపారు.
కౌశల్ మీద పాజిటివ్, నెగెటివ్ ఓపీనియన్స్
మీడియాలో కౌశల్, కౌశల్ ఆర్మీ రచ్చ తర్వాత.... సాధారణ ప్రజల నుంచి పాజిటివ్, నెగెటివ్ ఓపీనియన్స్ వ్యక్తం అవుతున్నాయి. కొందరు కౌశల్కు మద్దతుగా, మరికొందరు అతడికి వ్యతిరేకంగా కామెంట్స్ చేయడం ప్రారంభించారు.
కౌశల్ మీద విమర్శలు
కౌశల్ వ్యవహారం నచ్చని కొందరు అతడి మీద బహిరంగంగా విమర్శలు చేస్తున్నారు. కౌశల్ బిగ్ బాస్ హౌస్ నుంచే సింపతీ గేమ్ ఆడుతున్నాడంటూ కొందరు విమర్శిస్తున్నారు.
ఎవరికీ వివరణ ఇవ్వాల్సిన అవసరం లేదు
కొందరు మాత్రం కౌశల్కు మద్దతుగా తమ గళం వినిపిస్తున్నారు. నువ్వు ఎవరికీ వివరణ ఇచ్చుకోవాల్సిన అవసరం లేదు. నీ కెరీర్ మీద ఫోకస్ పెట్టి ముందుకు సాగిబో బ్రదర్ అంటూ అతడిని ఎంకరేజ్ ఎంకరేజ్ చేస్తున్నారు.