అన్నీ అనుభవిస్తాను.. వాటిని పట్టించుకొను.. శృతిహాసన్

అన్ని రుచులను ఆస్వాదించాలి

జీవితంలో అన్ని రకాల రుచును ఆస్వాదించాలి. గెలుపు, ఓటములను సమానంగా ప్రేమించాలి. జీవితం గెలుపు, ఓటముల కలయిక. తీపిని ఇష్టపడినంతగా చేదునీ స్వీకరించలేకపోయినప్పటికీ వాటిని అలవాటు చేసుకోవాల్సిందే అని శ్రుతిహాసన్‌ చెప్పింది

ఆల్ రౌండర్ అనిపించుకోవాలని

ఆల్‌రౌండర్‌ అనిపించుకోవాలని అందరికీ ఉంటుంది. నా అభిరుచులకు తగినట్టుగా అన్నింటా బెస్ట్ అనిపించుకోవాలనుకొంటాను. ఒకేసారి చాలా పనులు చేయాలనుకొంటుంటా. అలాంటప్పుడు మనకు తెలియని కళలు బయటపడుతుంటాయి అని అన్నారు.

కొత్త విషయాలు తెలుస్తాయి.

వ్యక్తిగతంగానూ అన్ని రకాల అనుభూతుల్ని ఆస్వాదించాలనుకొంటాను. అప్పుడే జీవితంలో కొత్త విషయాలు తెలుస్తాయి. ఓటమిని అంత సీరియస్‌గా తీసుకోవద్దు. ఎందుకంటే గెలుపు కంటే ఎక్కువగా పాఠాలను ఓటమి నేర్పుతుంది అని అన్నారు.

ఓటమి మంచిదే.. పాఠాలను ..

ఓటమి జీవితానికి మంచిది. ఎప్పుడూ టాప్‌లో ఉండాలని కోరుకోను. అట్టడుగున ఏముందో తెలుసుకోవాలి. ఈ జీవితానికి ఎప్పుడో ఒకప్పుడు ఎక్కడో ఓ చోట ఫుల్‌స్టాప్‌ పడుతుంది. ఆలోగా అన్నీ అనుభవించాలని జీవిత సారాంశాన్ని శృతి భోధిస్తున్నది.