నాకు పెళ్లి కాకపోవడానికి కారణం ఆ హీరోనే.... హీరోయిన్ టబు సంచలనం!

అతడి వల్లే నాకు పెళ్లి కాలేదు

తనకు పెళ్లి కాక పోవడానికి, ఇప్పటికీ సింగిల్‌గా మిగిలిపోవడానికి కారణం బాలీవుడ్ నటుడు అజయ్ దేవగన్ అని టబు ఓ ఇంటర్వ్యూలో వెల్లడించారు. టబు ఈ విషయం చెప్పగానే అందరూ షాకయ్యారు.

నన్ను అనుసరించేవాడు

దాదాపు 25 సంవత్సరాలుగా అజయ్ దేవగన్ తనకు తెలుసని, ఒకప్పుడు తన కజిన్ సమీర్ ఇంటిపక్కనే అజయ్ ఉండేవాడని, తామంతా అప్పుడు మంచి స్నేహితులుగా ఉండేవారమని, ఆ సమయంలో అజయ్ తనను ఓకంట కనిపెడుతూ అనుసరించేవాడని టబు తెలిపారు.

నాతో వేరే అబ్బాయిలు మాట్లాడితే దాడి చేసేవాడు

ఆ సమయంలో తాను ఎక్కడికి వెళ్లినా అజయ్ ఫాలో అయ్యేవాడు, వేరే అబ్బాయిలు ఎవరైనా తన వైపు చూసినా, మాట్లాడినా ... వారిపై దాడి చేసి వార్నింగ్ ఇచ్చేవాడని టబు తెలిపారు.

పెళ్లి కాక పోవడానికి కారణం ముమ్మాటికీ అతడే...

అప్పట్లో అజయ్ ప్రవర్తన ఇతర అబ్బాయిలు నాతో మాట్లాడటానికి, నన్ను ప్రేమించడానికి భయపడేవారు. నాకు పెళ్లి కాకపోవడానికి కారణం ముమ్మాటికీ అజయ్. నాకో అబ్బాయిని చూసి పెళ్లి చేయాల్సిన బాధ్యత అతడితే అని టబు జోక్ చేశారు.

మాది స్పెషల్ రిలేషన్

అజయ్ దేవగన్‌తో తనది చాలా స్పెషల్ రిలేషన్. నాకు ఎంతో గౌరవం ఇస్తాడు, చాలా బాగా ట్రీట్ చేస్తాడు. అందుకే అజయ్ అంటే నాకు ఇప్పటికీ ఇష్టమే.... అంటూ టబు వ్యాఖ్యానించింది.

గోల్‌మాల్ ఎగేన్

ప్రస్తుతం అజయ్ దేవగన్, టబు కలిసి ‘గోల్‌మాల్ ఎగేన్' అనే చిత్రంలో నటిస్తున్నారు. ఇందులో పరిణీతి చోప్రా కూడా నటిస్తోంది. రోహిత్ శెట్టి దర్శకత్వం వహిస్తున్న ఈ చిత్రం ఈ ఏడాది అక్టోబర్ నెలలో ప్రేక్షకుల ముందుకు రాబోతోంది.