హోమ్

న్యూస్

అందలా బ్యూటి ఇలియానాకు బాలీవుడ్ దర్శకుడు అనురాగ్ బసు రూపొందించే 'సైలెంట్" చిత్రంలో ఒక హీరోయిన్ గా రణ్ భీర్ కపూర్ నటించే అవకాశం వచ్చిందనే విషయం తెలిసిందే. అయితే ఈ చిత్రంలో ముగ్గురు కథానాయికల్లో ఒక నాయికగా నటించే అవకాశం అని ఒప్పుకోవాలో..తప్పుకోవాలో ఎటూ తేల్చుకోని సందిగ్థంలో పడింది ఈ ముద్దుగుమ్మ. టాలీవుడ్ లో అత్యధికంగా రెమ్యునరేషన్ తీసుకుంటున్న హీరోయిన్ గా తన హవాను కొనసాగిస్తున్న ఈ అమ్మడు బాలీవుడ్ లో మొట్టమొదటి సారిగా వచ్చిన ఈ అవకాశంలో మూడో హీరోయిన్ గా నటించడమా..?లేక ససేమిరా అంటుందా..? అని తల బద్దలయ్యేలా ఆలోచితస్తుందని సమాచారం.

రణబీర్ కపూర్ హీరోగా అనురాగ్ బుసు రూపొందించే ఈ చిత్రంలో ఇప్పటికే ఒక హీరోయిన్ గా ప్రియాంకా చోప్రా ఎంపికయింది. ఇంకో హీరోయిన్ గా మొదట కత్రినా కైఫ్ ను అనుకున్నప్పటికీ, తనకి డేట్స్ అడ్జెస్ట్ కావని కత్రినా చెప్పడంతో ఆ స్థానంలో అసిన్ ను తీసుకున్నారు. మూడో హీరోయిన్ గా ఇలియానాను తీసుకోవాలని, దర్శకుడు అనురాగ్ అనుకున్నాడని, అందుకు రణ్ బీర్ కపూర్ కూడా గ్రీన్ సిగ్నల్ ఇచ్చినట్టు బాలీవుడ్ వర్గాల్లో వార్తలు వినిపిస్తోన్నాయి. అయితే ఈ ఆఫర్ ను అంగీకరించాలా..?వద్దా అన్నఆలోచనలో ఇలియానా ఊగిసలాడుతోదని తెలుస్తోంది. ప్రస్తుతం బాలీవుడ్ ఉన్న పోటీని దృష్టిలో పెట్టుకొని ఆలోచిస్తే..అవకాశాలు అక్కడ అంత తేలిగ్గా ఏమీ వచ్చే పరిస్థితులు లేవు. అలా అని తనని వెతుక్కుంటూ వచ్చిన ఈ సువర్ణావకాశాన్ని ఈ అమ్మడు అందిపుచ్చుకుంటుందో..లేక సారీ చెప్పి వదిలేసుకుంటుందో వేచి చూడాల్సిందే...