హీరోయిన్‍‌తో డైరెక్టర్ వివాహం, క్రికెటర్ల సందడి (ఫోటోస్)

By Bojja Kumar

Published: Tuesday, May 5, 2015, 15:57 [IST]

ముంబై: కత్రినా కైఫ్, ఆదిర్య రాయ్ కపూర్ హీరో హీరోయిన్లుగా తెరకెక్కుతున్న ‘ఫితూర్' చిత్రానికి దర్శకత్వం వహిస్తున్న అభిషేక్ కపూర్ వివాహం ముంబైలో గ్రాండ్ గా జరిగింది. మోడల్, నటి ప్రగ్యా యాదవ్ ను ఆయన ప్రేమ వివాహం చేసుకున్నాడు. వీరి వివాహం కేవలం కుటుంబ సభ్యులు, బంధువులు, స్నేహితుల సమక్షంలో జరిగింది.

ఎలాంటి డిస్ట్రబెన్స్ ఉండకూడదనే ఉద్దేశ్యంతో వీరి పెళ్లి విషయం బయటకు పొక్కకుండా ఇంత కాలం గోప్యత పాటించారు. అసలు పెళ్లి అయిపోయి ఆన్ లైన్లో ఫోటోలు దర్శనమిచ్చే వరకు మీడియాకు ఈ విషయే తెలియకుండా జాగ్రత్త పడ్డారు. పలువురు బాలీవుడ్ సెలబ్రిటీ ఈ వివాహానికి హాజరైనా....‘ఫితూర్' హీరో హీరోయిన్లు కత్రినా కైఫ్, ఆదిత్య రాయ్ కపూర్ తో సహా చిత్ర యూనిట్ సభ్యులు ఎవరూ హాజరు కాలేదు.

ప్రగ్యా యాదవ్ విషయానికొస్తే....ఆమె స్వీడన్‌కు చెందిన నటి, మోడల్. అమోల్ గుప్తా మూవీ ‘హవా హవా' చిత్రంలో లీడ్ హీరోయిన్ గా నటిస్తోంది. అభిషేక్ కపూర్ ‘కాచ్ పో చె' సినిమా చేస్తున్నప్పటి నుండే ఇద్దరూ డేటింగ్ చేస్తున్నారు. 2013లో వీరి ఎంగేజ్మెంట్ జరిగింది. అప్పటి నుండి సహజీవనం చేస్తున్న వీరు మే 4, 2015న వివాహం ద్వారా ఏకం అయ్యారు.

వివాహానికి సంబంధించిన ఫోటోలు స్లైడ్ షోలో...