ఇంట్రెస్టింగ్ ఫ్లాష్ బ్యాక్: మహేష్ ఒక్కడు సినిమాలో గోపిచంద్.. జస్ట్ మిస్!

గుణశేఖర్ ప్రయత్నాలు..

దర్శకుడు గుణశేఖర్ చూడాలని ఉంది సినిమా తరువాత మహేష్ చేస్తున్న సినిమాలు చూసి తప్పకుండా అతనితో ఒక సినిమా చేయాలని ట్రై చేశాడు. మృగరాజు సినిమా అనంతరం మహేష్ బాబుకి ఒక్కడు స్క్రిప్ట్ వినిపించిన గుణశేఖర్ చాలా మంది నిర్మాతలను కలిశాడు. రామోజీరావు మొదట్లో ఒప్పుకున్నప్పటికి చార్మినార్ సెట్ వేయడం ఇష్టం లేక నో చెప్పారట.

గోపిచంద్ జస్ట్ మిస్..

ఇక యమ్ఎస్.రాజు నిర్మాతగా సెట్టయిన తరువాత సినిమా ప్రీ ప్రొడక్షన్ పనులు ఎండ్ అవుతున్న తరుణంలో సినిమాలో విలన్ విషయంలో మార్పులు జరిగాయట. మొదట ప్రకాష్ రాజ్ స్థానంలో విలన్ గా హీరో గోపిచంద్ ని అనుకున్నారట. అప్పటికే జయం సినిమాలో విలన్ గా నటించిన గోపిచంద్ కి మంచి క్రేజ్ ఏర్పడింది. అయితే మహేష్ తో పాటు నిర్మాత ఆలోచన మేరకు గుణశేఖర్ ప్రకాష్ రాజ్ ని సెలెక్ట్ చేసుకున్నారట.

అలా ఎందుకు జరిగిందంటే..

2003లో మహేష్ బాబు ఒక్కడు సినిమాతో పాటు తేజ డైరెక్షన్ లో నిజం సినిమా కూడా చేశాడు. దాదాపు రెండు సినిమాలు ఒకే సమయంలో ఒప్పుకోవడంతో రెండు సినిమాల్లో విలన్ గా గోపిచంద్ ఉండడం కరెక్ట్ కాదని మహేష్ అభ్యంతరం వ్యక్తం చేశాడట. దీంతో నిర్మాత ప్రకాష్ రాజ్ ని సెలెక్ట్ చేసుకున్నాడు.

Netra Movie Audio Launch || Aishwarya || Satyanand ||

అందుకే వర్షంలో విలన్ గా..

నిర్మాత MS.రాజు ఒక్కడు హిట్ తరువాత వర్షం సినిమాను ప్లాన్ చేస్తుండగా ఆ సినిమాలో విలన్ గా గోపిచంద్ ని సెలెక్ట్ చేసుకున్నారు. ఒక్కడు సినిమాలో గోపిచంద్ కి ఛాన్స్ మిస్ అయ్యిందని దర్శకుడితో మాట్లాడి ప్రభాస్ సినిమాలో ఛాన్స్ ఇప్పించారు. ఆ విధంగా గోపిచంద్ ఒక్కడు సినిమాలో ఓబుల్ రెడ్డి క్యారెక్టర్ ని మిస్సయ్యాడు.