Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అక్కినేని పుట్టినరోజు వెనక....ఇంట్రెస్టింగ్ స్టోరీ!
హైదరాబాద్ : ఆయన అనుభవం ఇప్పుడు సినిమా ఇండస్ర్టీలో వున్న వాళ్ల వయసు కంటే ఎక్కువ. కానీ ఇప్పటికీ యువనాయకులతో పోటీపడగల ఉత్సాహం ఆయన సొంతం. అతనో 90 ఏళ్ల కుర్రాడు. అతనే అక్కినేని నాగేశ్వర రావు. ఈ రోజు(సెపెంబరు 20) ఆయన పుట్టినరోజు. ప్రేక్షకులని కంటతడి పెట్టించాలన్నా, గిలిగింతలు పెట్టించాలన్నా ఆయనకు ఆయనే సాటి. అలాంటి గ్రేట్ యాక్టర్ పుట్టినరోజంటే అభిమానులకు పండగ రోజు.
ఇలాంటి సందర్భంలో ఆయన పుట్టినరోజు గురించి ఓ ముఖ్యవిషయం తెలుసుకుందాం. అసలు అక్కినేని గారి పుట్టినరోజు ఎప్పుడో ఆయనకు 20 ఏళ్లు వచ్చేవరకూ తెలియదట. తెలుసుకోవలసిన అవసరం కూడా రాలేదని అంటారు ఆయన. కానీ ఓ సారి ఐదు వేల రూపాయలకు భీమా పాలసి తీసుకున్నారు. అప్పుడే పుట్టినరోజు తెలుసుకోవలసిన అవసరం వచ్చిందట.
అప్పుడు గుడివాడలోని తాలూకా ఆఫీసులో పాత రికార్డులన్నీ తిరగేస్తే 1924 సెపెంబరు 21, ఆదివారం పుట్టారని రాసివుంది. కానీ వారి అమ్మగారేమో నువ్వు శనివారం పుట్టావురా అబ్బాయ్ అని ఖచ్చితంగా చెప్పిందట. తర్వాత తెలిసిందేమిటంటే వారుంటున్న వెంకట్రాఘవపురం నుండీ గుడివాడలోనున్న తాలూకా ఆఫీసు రికార్డుల్లో నమోదుచేయించడం ఒక రోజు ఆలస్యం అయిందట.
ఆయన నటించిన 'బుద్దిమంతుడు' చిత్రం సెపెంబరు 20న విడుదలయిందట. పోస్టర్ల మీద పుట్టినరోజు విడుదల అని సదురు నిర్మాత అడిగాడట. సరే అన్నారట అక్కినేని. దీంతో ఆయన అభిమానులకు ఆయన పుట్టిన రోజును జరుపుకొనే అవకాశం వచ్చింది. ఈ రోజుతో 90వ పడిలోకి అడుగిడుతున్న ఎయన్నార్ తన తనయుడు నాగార్జునతో పోటీపడి 'రామదాసు' చిత్రంలో నటించి తనలో ఇంకా ఉత్సాహం తగ్గలేదని నిరూపించారు.
ఇపుడు కొడుకు నాగార్జున, మనవడు నాగచైతన్యతో కలిసి 'మనం' చిత్రంలో నటిస్తున్నారు. ఆయన వయసు 90 అయినా ఆయన ఇప్పటికీ కుర్రాడిలా హుషారుగా వుంటారు. దీనికి ఆయన క్రమశిక్షనతో కూడుకున్న దినచర్యే కారణం. ఆయన ఇలాంటి పుట్టినరోజులు మరెన్నో జరుపుకోవాలని ఆశిస్తూ....వన్ ఇండియా తెలుగు తరుపున పుట్టినరోజు శుభాకాంక్షలు తెలుపుదాం.