బాహుబలికి ఇద్దరు డైరెక్టర్లట? నీకంటే నేనే సీన్లు బాగా తీశా? రాజమౌళికి మరో డైరెక్టర్ షాక్

యారీ నంబర్1‌లో కార్తీకేయ, అఖిల్

తాజాగా ప్రసారమైన యారీ నంబర్ 1 కార్యక్రమంలో అక్కినేని నటవారసుడు అఖిల్, రాజమౌళి, రమా రాజమౌళి కుమారుడు కార్తీకేయ ముఖ్య అతిథులుగా హాజరయ్యారు. ఈ సందర్భంగా బాహుబలి చిత్రానికి సంబంధించిన, ఇతర విషయాలను రానాతోపాటు ప్రేక్షకులతో పంచుకొన్నారు.

కార్తీకేయ ఫోన్ నుంచి రాజమౌళికి ఫోన్

రానా నిర్వహించే కార్యక్రమంలో భాగంగా ఓ వ్యక్తికి ఫొన్ ‌కాల్ చేసి ఓ విషయాన్ని చెప్పి ధైర్యాన్ని చాటుకోవాలి. ఈ నేపథ్యంలో బాహుబలి రెండో యూనిట్‌ డైరెక్టర్ వ్యహరించిన కార్తీకేయ ఫోన్ నుంచి రాజమౌళికి కాల్ చేసి నేనే సీన్లు బాగా చెప్పాలి అని రానా సూచించాడు. దాంతో కొంత తటపటాయించిన కార్తీకేయ.. రాజమౌళికి కాల్ చేశాడు.

రాజమౌళితో మాట్లాడాలి..

ఫస్ట్ అటెంప్ట్‌లో రాజమౌళి కాల్ లిఫ్ట్ చేయలేదు. వెంటనే కీరవాణి భార్య నుంచి కార్తీకేయకు కాల్ వచ్చింది. ఆ సమయంలో రాజమౌళి డ్రైవింగ్ చేస్తుండటంతో వల్లీ కాల్ చేశారు. ఫోన్ ఎందుకు చేశావని వల్లీ అడుగగా 'నేను రానా షోలో ఉన్నాను. రాజమౌళితో మాట్లాడాల్సి ఉంది. ఫోన్ లౌడ్ స్పీకర్ ఆన్ చేయండి అని కార్తీకేయ సూచించాడు.

నాన్నా నేనే బాగా తీశాను అంటున్నారు..

దాంతో లౌడ్ స్పీకర్ ఆన్ చేయగానే నాన్న బాహుబలిలో నేను తీసిన సీన్లే బాగా ఉంటున్నాయి అని అందరూ అనుకొంటున్నారు అని కార్తీకేయ చెప్పాడు. కార్తీకేయ మాటలపై వెంటనే స్పందించిన రాజమౌళి.. నీవు తీసిన సీన్లు అని చెప్పుకోవడానికి వాటిపై ఏమైనా సబ్ టైటిల్స్ వేశామా? అవి నీవు తీసినవని చెప్పుకోవడానికి అని రాజమౌళి అన్నారు.

రానా అలా చెప్పమన్నాడు.

తండ్రి పరిస్థితిని గ్రహించిన కార్తీకేయ.. నేను ప్రస్తుతం రానా షోలో ఉన్నాను. రానా ఇలా చెప్పమన్నారని అసలు విషయం వెల్లడించడంతో అందరూ నవ్వుకొన్నారు. ఆ తర్వాత రానాతో మాట్లాడిన రాజమౌళి.. ఏంటీ ఆటపట్టిస్తున్నావా అనే రీతిలో మాట్లాడటం జరిగింది. కార్తీకేయ, అఖిల్ పాల్గొన్న ఎపిసోడ్‌ చాలా ఆసక్తికరంగా సాగింది.