పవన్ కళ్యాణ్ ఎక్కడికీ రాడు... కొత్త సినిమా ప్రకటణలు కూడా లేవు.. ఈసారికూడా షరా మామూలే

మొహమాటంగా

మామూలు గానే పవర్ స్టార్ పవన్ కళ్యాణ్ ఫంక్షన్స్ అన్నా పార్టీలన్నా పెద్దగా ఆసక్తి ఉన్నట్టు కనిపించడు. కనీసం తన ఫ్యామిలీ ఫంకషన్లలో కూడా మొహమాటంగా నవ్వుతూ పక్కకు తప్పుకుంటాడు.

సైలెంట్ అయిపోతాడు

షూటింగ్ స్పాట్ లోనూ, మిగతావిషయాల్లోనూ హైపర్ యాక్టివ్ అనిపించే పవన్ మరెందుకో పార్టీలలో మాత్రం సైలెంట్ అయిపోతాడు. పవన్ ఇప్పటి వరకూ తన బర్త్ డే పార్టీ జరుపుకున్న సంధర్భాలూ అరుదనే చెప్పాలి.

జనసేన' అధినేతగా

తిరుపతిలో ఇటీవల జరిగిన బహిరంగ సభలో 'ప్రత్యేక హోదా' గురించి తేల్చండంటూ నిలదీసి ఆంధ్రప్రదేశ్ రాజకీయాల్లో కలకలం రేపిన 'జనసేన' అధినేత పవర్‌స్టార్ పవన్‌ కల్యాణ్ తన పుట్టినరోజు వేడుకను ఎలా చేసుకోబోతున్నారనే ఉత్సుకత అభిమానుల్లో పెల్లుబుకుతోంది.

షరామామూ లే

అయితే పవన్ మాత్రం షరామామూలుగానే బర్త్‌డే హంగామాకు దూరంగా ఉండబోతున్నారని టాలీవుడ్ వర్గాల తాజా సమచారం. సెప్టెంబర్ 2వ తేదీతో పవన్ 45వ పడిలోకి అడుగుపెడుతున్నారు.

భారీ హంగామా

సహజంగానే తన పుట్టినరోజును అభిమానులు, రాజకీయనేతలకు దూరంగా నిరాడంబరంగానే జరుపుకునేందుకు పవన్ ఇష్టపడుతుంటారు. ఈసారి కూడా ఇందుకే మొగ్గుచూపుతున్నారని, అయితే ఆంధ్రప్రదేశ్‌లో మాత్రం ఆయన అభిమానులు భారీ హంగామాకు సన్నాహాలు చేస్తున్నారు.

సేవా కార్యక్రమాలు

రక్తదాన శిబిరాలు, రోగులకు పాలు, పండ్లు పంచిపెట్టడం, పేదలకు వస్త్రదానం వంటి కార్యక్రమాలు చేపడతారని చెబుతున్నారు.

కొత్త సినిమాల ప్రకటన

పవన్ బర్త్‌డే రోజునే ఆయనతో కొత్త సినిమాల ప్రకటన చేయాలని ఒకరిద్దరు నిర్మాతలు ప్లాన్ చేసినప్పటికీ పవన్ నుంచి ఇంకా గ్రీన్‌సిగ్నల్ రాలేదు.

ఎవరికీ దొరక్కుండా

ఇవన్నీ పక్కన పెడితే అసలు ఆరోజు పవన్ ఎవరికీ అందుబాటులో ఉండేలాగా కూడా కనిపించటం లేదు. పవన్ కళ్యాణ్ పుట్టిన రోజు. ప్రతి బర్త్ డేని చాలా సింపుల్ గా ఎలాంటి ఆర్భాటాలు లేకుండా పవన్ కళ్యాణ్ తన పుట్టిన రోజుచేసుకుంటాడు.

సింపుల్ గా

ప్రతి ఏడాది లానే ఈ ఏడాది కూడా పవన్ కళ్యాణ్ అందరికీ దూరంగా సింపుల్ గా తన పుట్టిన రోజుని గడపనున్నాడని సమాచారం.

రంగం సిద్దం

పవన్ కళ్యాణ్ దూరంగా ఉన్నా ఆయన అభిమానులు మాత్రం రేపు ఇరు రాష్ట్రాల్లో పలు సామాజిక సేవా కార్యక్రమాలు చేయడం కోసం రంగం సిద్దం చేసారు.

"ప్రత్యేక హోదా" ప్రకటన

పవన్ డిమాండ్ చేసినట్టు కేంద్రం ప్రభుత్వం ఆయన బర్త్‌డే గిఫ్ట్‌గా 'ప్రత్యేక హోదా' ప్రకటన చేయవచ్చనే ప్రచారం జరుగుతున్నా...అందుకు పెద్దగా ఆస్కారం లేదని విశ్లేషకుల అభిప్రాయంగా ఉంది.