»   » 'జనతా గ్యారేజ్‌' క్లైమాక్స్‌ లీక్ చేసిన బ్రహ్మాజీ(వీడియో)

'జనతా గ్యారేజ్‌' క్లైమాక్స్‌ లీక్ చేసిన బ్రహ్మాజీ(వీడియో)

Posted By:
Subscribe to Filmibeat Telugu

హైదరాబాద్: ఎన్టీఆర్‌ హీరోగా కొరటాల శివ రూపొందిస్తోన్న చిత్రం 'జనతా గ్యారేజ్‌'. సమంత, నిత్యా మీనన్ హీరోయిన్స్ గా నటిస్తుండగా, మోహన్‌లాల్‌ ఓ కీలక పాత్ర చేస్తున్నారు. మైత్రీ మూవీ మేకర్స్‌ పతాకంపై నవీన్ యెర్నేని, వై. రవిశంకర్‌, సి.వి. మోహన్ నిర్మిస్తున్నారు. 'ఇచట అన్నీ రిపేర్లు చేయబడును' అనేది ట్యాగ్ లైన్.

రీసెంట్ గానే ఈ సినిమా క్లైమాక్స్‌ షూటింగ్ పూర్తయింది. ఈ క్లైమాక్స్ కు చెందిన ఓ చిన్న వీడియోని నటుడు బ్రహ్మాజీ తన ఇనిస్ట్రగ్రామ్ లో పోస్ట్ చేసారు. అదే జనతాగ్యారేజ్ లీక్ వీడియోగా ప్రచారం పొందుతోంది. దాన్ని మీరు ఇక్కడ చూడవచ్చు.


#janathagarage #climax


A video posted by Brahmaji Actor (@brahms25) on Jul 13, 2016 at 5:53am PDT



అలాగే.. 'జనతా గ్యారేజ్' సినిమాకు సంబంధించిన ఎన్టీఆర్ డాన్స్ వీడియో ఇప్పుడు నెట్‌లో హల్ చల్ చేస్తోంది. డాన్స్ మూమెంట్స్‌లో భాగంగా... టెర్రస్ పైన ఉన్న గోడ ఎక్కి ఎన్టీఆర్ స్టెప్పులు వేస్తుండడం ఈ వీడియోలో క్లారిటీగా కనిపిస్తోంది. ఈ వీడియోలో క్లిష్టమైన డాన్స్ మూమెంట్‌ను సింగిల్ టేక్‌లో చేసి.. అదుర్స్ అనిపించాడు తారక్.


ప్రస్తుతం సోషల్‌ సైట్స్‌లో ఈ లీకుడ్ వీడియో వైరల్‌లా స్ప్రెడ్ అవుతోంది. దీంతో ఈ విజువల్స్ ఎలా లీక్ అయ్యాయ్యన్న విషయంపై దృష్టి సారించారు 'జనతా గ్యారేజ్' నిర్మాతలు. మరోవైపు.. ఆగస్టు-12న ఈ సినిమాను విడుదల చేసేందుకు గానూ పోస్ట్ ప్రొడక్షన్ కార్యక్రమాలు వేగవంతం చేశారు.



నిర్మాతలు మాట్లాడుతూ ''రెండు పాటల చిత్రీకరణ మాత్రమే మిగిలుంది. ఓ పాటను హైదరాబాద్‌లో, మరో పాటను కేరళలో చిత్రీకరిస్తాం. దేవిశ్రీ ప్రసాద్‌ సమకూర్చిన బాణీలు ఓ ప్రధానాకర్షణ అవుతాయి. ఈ నెల 22న పాటల్ని విడుదల చేయాలని సంకల్పించాం.


కథ, కథనం, పాత్రల చిత్రణ, ఎన్టీఆర్‌, మోహన్ లాల్‌ నటన ప్రేక్షకుల్ని అమితంగా ఆకట్టుకుంటాయి. మా బేనర్‌ విలువను ఈ సినిమా మరింత పెంచుతుంది'' అని చెప్పారు.



ఇక ఇప్పటికే విడుదలకు ఈ చిత్రం టీజర్‌ అత్యధిక వ్యూస్ సాధించి రికార్డ్ క్రియేట్ చేసింది. రెండు రోజుల్లోనే రెండు మిలియన్ వ్యూస్‌తో టాప్‌ ప్లేస్ కైవసం చేసుకుంది.


ఈ చిత్రానికి పాటలు: రామజోగయ్యశాస్త్రి, ఛాయాగ్రహణం: ఎస్‌. తిరునావుక్కరసు, కూర్పు: కోటగిరి వెంకటేశ్వరరావు, కళ: ఎ.ఎస్‌. ప్రకాశ్, ఫైట్స్‌: అణల్‌ అరసు, రచన, దర్శకత్వం: కొరటాల శివ.


English summary
The Janatha Garage climax scene is leaked by actor Brahmaji. Here is the more information about Janatha Garage leaked clip.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu