‘జనతా గ్యారేజ్’ టికెట్స్: ఎన్టీఆర్ ఫ్యాన్స్ వేలం వెర్రి...!

చెన్నైలోని ఎస్.ఆర్.ఎం. యూనివర్శిటీలో జనతా గ్యారేజ్ టిక్కెట్లు వేలం వేశారు. తెలుగుదేశం పార్టీ చెన్నై యువసేన విభాగం ఈ టిక్కెట్ల వేలాన్ని నిర్వహించింది.

తొలి టికెట్ ఓ అభిమాని రూ. 31000లకు దక్కించుకున్నట్లు సమాచారం.

రెండో టికెట్ ధర రూ. 17500 వరకు పలికినట్లు తెలుస్తోంది.

మూడో టికెట్ వేలంలో రూ. 13000లకు అమ్ముడయినట్లు సమాచారం.

ఆగస్టు 31వ తేదీ రాత్రి నుండి తెలుగు రాష్ట్రాల్లో భారీ సంఖ్యలో బెనిఫిట్ షోలు వేసేందుకు ప్లాన్ చేస్తున్నారు.

బెనిఫిట్ షో టికెట్ ధరలు చుక్కల్లో ఉన్నాయి. ఆయా ఏరియాల్లో డిమాండును బట్టి రూ. 3 వేల నుండి 5 వేల వరకు అమ్ముతున్నారు.

కొందరు పేద అభిమానులు బెనిఫిట్ షో టికెట్లు రేట్లు చూసి షాకవుతున్నారు. అంత ఖర్చు పెట్టే స్తోమత లేక నిరాశకు గురవుతున్నట్లు సమాచారం.

అభిమానుల వీక్‌నెస్ క్యాష్ చేసుకోవడానికి కొందరు అక్రమార్కులు కూడా సిద్ధమయ్యారు. భారీ గా బ్లాక్ టికెటింగ్ చేసేందుకు సిద్ధమవుతున్నట్లు తెలుస్తోంది. గతంతో కొందరు థియేటర్ యజమానులే బ్లాక్ టికెట్స్ అమ్మిన సందర్భాలు అనేకం.

జూనియర్ ఎన్టీఆర్ , కొరటాల శివ కాంబినేషన్లో తెరకెక్కిన జనతా గ్యారేజ్ చిత్రం సెప్టెంబర్ 1న విడుదల కానున్న సంగతి తెలిసిందే.

మైత్రీ మూవీస్ సంస్థ నిర్మించిన భారీ చిత్రంలో ఎన్టీఆర్ సరసన సమాంతా, నిత్యా మీనన్ లు కథానాయికలు గా కనిపిస్తారు. ప్రఖ్యాత మళయాళం నటుడు మోహన్ లాల్ ఈ చిత్రం లో ఒక ప్రధాన పాత్రను పోషిస్తున్నారు. దేవి శ్రీ ప్రసాద్ సంగీతం అందిస్తోన్న ఈ చిత్రం యంగ్ టైగర్ ఎన్టీఆర్ కెరీర్ లో నే అత్యధిక థియేటర్ ల లో విడుదల కు సిద్ధం అవుతోంది.