Don't Miss!
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Lifestyle మామిడికాయ పచ్చడిని ఈజీగా ఇలా తయారు చేసుకోండి..
- Sports అనూహ్య ఘటనను ఎదుర్కొన్న రోహిత్ శర్మ
- Finance Adani News: గౌతమ్ అదానీ తిరిగొచ్చిన మంచిరోజులు.. ఆ 5 కంపెనీల్లో సంచలనం..
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
ఆ హీరోయిన్తో పని జరగదు.. జోహార్ డైరెక్టర్కు షాకిచ్చిన నిర్మాత
టాలీవుడ్కు మరో ప్రతిభావంతుడైన డైరెక్టర్ రూపంలో తేజ మార్ని లభించాడనే అభిప్రాయం వ్యక్తమవుతున్నది. ఆయన రూపొందించిన జోహార్ సినిమా సినీ విమర్శకులు, సగటు అభిమానులను ఆకట్టుకొంటున్నది. జోహార్ సినిమా కోసం పడిన కష్టం, సినిమా ఇండస్ట్రీకు వచ్చిన తొలినాళ్లలో అనుభవించిన బాధలు, జోహార్ సినిమా రిలీజ్కు కరోనా అడ్డుపడటం పడిన సమస్యలను వెల్లడించారు. తేజ మార్ని చెప్పిన విషయాలు మీ కోసం..
ఆర్జీవి, విజయేంద్ర ప్రసాద్ వద్ద
సినిమా ఇండస్ట్రీలో కెరీర్ కోసం హైదరాబాద్లో అడుగుపెట్టిన తర్వాత రాంగోపాల్ వర్మతో కలిసి పనిచేశాను. ముంబైలో ఆయన సినిమాకు పనిచేశాను. ఆ తర్వాత విజయేంద్ర ప్రసాద్ వద్ద స్క్రిప్ట్ రైటర్గా వర్క్ చేశాను. ఆ సమయంలో ఓ నిర్మాత సినిమా చేద్దామని అన్నారు. దాంతో ఆఫీస్ తీసి స్క్రిప్టు వర్క్ మొదలు పెట్టి ఫినిష్ చేశాం. ఆ తర్వాత ఆ నిర్మాత నాకు షాకివ్వడం కోలుకోలేకపోయాను అని తేజ మార్ని అన్నారు.
హీరోయిన్లతో వర్కవుట్ కాదని
నేను తయారు చేసిన కథ హీరోయిన్ ఓరియెంటెడ్ కథ కావడంతో స్టార్ హీరోయిన్కు చెప్పాలనుకొన్నాను. ఆయనకు కొంత మంది హీరోయిన్ల పేర్లు చెబితే.. వాళ్లతో వర్కవుట్ కాదు. వేరే హీరోయిన్లయితే పని సులుభం అవుతుంది. పెద్ద హీరోయిన్లు అందుకు ఒప్పుకోరని అన్నారు. అందుకు ఒప్పుకోకపోవడంతో నాకు ఆఫర్ ఇవ్వని చెప్పారు. దాంతో నాకు ఒక్కసారిగా మనసు విరిగిపోయింది. నీతో పనిచేయనని చెప్పి ఊరికి వెళ్లిపోయాను అని తేజా మార్ని పేర్కొన్నారు.
నిర్మాత షాక్ నుంచి బయటపడి
నిర్మాత ఇచ్చిన షాక్ నుంచి బయటపడి నేనే సొంతంగా సినిమా తీయాలని అనుకొన్నాను. నా బడ్జెట్ అంచనా వేసుకొని కథ రాయడం మొదలుపెట్టాను. అలా పుట్టిన కథే జోహార్. ఆ నిర్మాతతో సినిమా చేయకపోవడం వల్లే జోహార్ లాంటి సినిమా చేశాను. ఈ సినిమాలో నేను కనిపిస్తాను. నాకు మంచి పేరు వచ్చిందనే అభిప్రాయాన్ని తేజా వ్యక్తం చేశారు.
జోహార్ సినిమా చూసిన ఓ నిర్మాత
జోహార్ సినిమా పూర్తయిన తర్వాత ఫస్ట్ కాపీని నిర్మాత, డిస్టిబ్యూటర్ అభిషేక్ నామాకు చూపించాం. ఆయన సినిమా చూసిన తర్వాత కారెక్కి.. జోహార్ మూవీ అద్భుతంగా ఉంది. ఈ సినిమాను ప్రమోట్ చేయడానికి, విడుదల చేయడానికి నేను సిద్ధం. ఈ సినిమాను మరో లెవెల్కు తీసుకెళ్దామని చెప్పారు. అంతలోనే కరోనావైరస్ ముప్పు వాటిల్లింది. ఇక ఈ ఏడాది థియేటర్లు ఓపెన్ అయ్యే అవకాశం లేదనే ఉద్దేశంతో ఇంట్లో ఉండే ఆర్థిక ఒత్తిళ్లతో ఓటీటీ ద్వారా రిలీజ్ చేశాం అని చెప్పారు.
Recommended Video
బన్నీ వాసు అడ్వాన్సుతో హ్యాపీ
జోహార్ సినిమా చూసిన తర్వాత సినిమా ఇండస్ట్రీలో చాలా మంది నిర్మాతలు తమతో సినిమా చేయమని అడిగారు. చాలా మందితో సంప్రదింపులు జరుగుతున్నాయి. కానీ బన్నీ వాసు మాత్రం అడ్వాన్సు ఇచ్చారు. నా సొంత సినిమా తర్వాత నాకు లభించిన పారితోషికం అదే. నా తల్లిదండ్రుల నమ్మకాన్ని నిలబెట్టాననే ఫీలింగ్ కలిగింది.