కాలా సంచలనం.. యూట్యూబ్‌లో సునామీ.. కేకపుట్టిస్తున్న డైలాగ్స్

17 మిలియన్ల వ్యూస్

తమిళ కాలా చిత్ర టీజర్‌కు ఇప్పటి వరకు 13,265,420 వ్యూస్ లభించాయి. 30 లక్షలకుపైగా లైక్స్ వచ్చాయి. తెలుగులో కాలా టీజర్‌కు 2,714,002 వ్యూస్ వచ్చాయి. హిందీ టీజర్‌కు 1,358,837 వ్యూస్ లభించాయి. గత మూడు రోజుల్లో 17 మిలియన్లకుపైగా వ్యూస్ సాధించడం గమనార్హం.

కేక పుట్టిస్తున్న డైలాగ్స్

సూపర్‌స్టార్‌ రజనీకాంత్‌ కొత్త లుక్‌, డైలాగ్స్ ఈ సినిమాకి హైలైట్‌గా నిలవనున్నాయి. 'నలుపు శ్రమ జీవుల వర్ణం.. మా వాడకొచ్చి చూడు మురికంతా ఇంద్రధనుస్సులా కనిపిస్తుంది' అని డైలాగ్స్ ఆకట్టుకొంటున్నాయి.

క్లాప్స్ పడటం ఖాయం..

'క్యారే సెట్టింగా.. వీరయ్య బిడ్డన్రా.. ఒక్కడ్నే ఉన్నా.. దిల్లుంటే గుంపుగా రండ్రా..' , 'ఈ కరికాలుడి పూర్తి రౌడీయిజాన్ని ఎప్పుడూ చూళ్ళేదు కదూ.. ఇప్పుడు చూపిస్తా..' అంటూ రజనీకాంత్‌ తనదైన స్టైల్‌లో చెప్పిన డైలాగ్స్‌ థియేటర్స్‌లో క్లాప్స్‌ కొట్టిస్తాయనడంలో ఎలాంటి సందేహం లేదు అని సినీ వర్గాలు పేర్కొంటున్నాయి.

పా రంజిత్‌పై భారీగా అంచనాలు

రజనీకాంత్‌, పా.రంజిత్‌ కాంబినేషన్‌లో వచ్చిన 'కబాలి' రిలీజ్‌కి ముందు, రిలీజ్‌ తర్వాత ఎంతటి సంచలనం సృష్టించిందో అందరికీ తెలిసిందే. 'కాలా' టీజర్‌ రిలీజ్‌తో మరోసారి వీరిద్దరి సినిమాపై భారీ ఎక్స్‌పెక్టేషన్స్‌ ఏర్పడ్డాయి. సూపర్‌స్టార్‌ రజనీకాంత్‌ కెరీర్‌లో 'కాలా' మరో సెన్సేషనల్‌ మూవీగా నిలవబోతోంది.

నటీనటులు

సూపర్‌స్టార్‌ రజనీకాంత్‌, నానా పాటేకర్‌, సముద్రఖని, ప్రకాశ్‌రాజ్‌, ఈశ్వరీరావు, హ్యూమా ఖురేషి, అంజలి పాటిల్‌ తదితరులు ముఖ్యపాత్రలు పోషిస్తున్నారు.

సాంకేతికవర్గం

కాలా చిత్రానికి సంగీతం: సంతోష్‌ నారాయణన్‌, సినిమాటోగ్రఫీ: మురళి జి., ఎడిటింగ్‌: శ్రీకర్‌ప్రసాద్‌, ఎగ్జిక్యూటివ్‌ ప్రొడ్యూసర్‌: ఎస్‌.వినోద్‌కుమార్‌, నిర్మాత: ధనుష్‌, కథ, స్క్రీన్‌ప్లే, దర్శకత్వం: పా. రంజిత్‌.