కబాలీ పేరుతో కామెడీ చేస్తున్నారనుకున్నా... సౌత్ సినిమాలమీద రాధికా ఆప్టే మరో వ్యాఖ్య

సంప్రదించలేదు.దర్శకుడు రంజిత్‌ నుంచి ఫోన్‌ వచ్చింది. రజనీకాంత్‌ నటిస్తున్న కబాలి సినిమా గురించి మాట్లాడాలని అన్నారు. కానీ నేనేదో కామెడీకి అడుగుతున్నారని అనుకున్నా. కొన్ని రోజుల తర్వాత చెన్నైకి రావాలని విమాన టికెట్‌ కూడా పంపించారు. చాలా ఆశ్చర్యపోయా. అయినప్పటికీ ఖరారు చేసుకోలేదు..

కబాలి కథ గురించి చెప్పారు. వెంటనే బాగా నచ్చింది. అందులోనూ రజనీకాంత్‌తో నటించే అవకాశం వస్తే ఎవరైనా వదులుకుంటారా? తప్పకుండా నటిస్తానని చెప్పా. వాళ్ళు పిలవటం, నేను ఆలోచించుకొని ఓకే చెప్పటం అంతా ఒక వారం రోజుల్లో అయిపోయింది. ఇక నేనే రజినీ సార్ హీరోయిన్ అని ఫిక్సైపోయాను.

కథని బట్టి ఒక టీనేజ్ అమ్మాయికి తల్లిగా మధ్య వయస్కురాలిగా కనిపించాలి...పూర్తి డీ గ్లామరైజ్డ్ రోల్ అయితే... ఇప్పుడే ఈ సాహసం చేయవద్దని కొందరు సలహా ఇచ్చారు.

కానీ నేను వినిపించుకోలేదు. ఎవరికో తప్ప రాని అవకాశం నాకు వచ్చింది. దాన్ని మిస్‌ చేసుకోదలుచుకోలేదు. అందుకే ఎవరెన్ని చెప్పినా పట్టించుకోకుండా తల్లి పాత్ర చేశాను. అవడానికి తల్లి పాత్రే కానీ, మిడిల్‌ ఏజ్‌ మహిళగా కని పిస్తాను.

రజనీకాంత్‌కు కోట్లాది మంది అభిమానులు ఉన్నారని తెలుసు. కానీ ఎంతలా ఉంటారోనన్న విషయాన్ని తెలుసుకున్నా. ఓ సారి ఆసుపత్రిలో చిత్రీకరణ జరిపాం. అక్కడ వేలాది మంది అభిమానులు గుమిగూడారు. దీంతో ఆ రోజు చిత్రీకరణకు ఆటంకం కలిగింది. అంతస్థాయిలో అభిమానులు వచ్చారు. అప్పుడే ఆయన అభిమానుల ప్రత్యేకత గురించి తెలిసింది.

నా జీవితంలోనే అదొక గొప్ప అనుభవం, స్ఫూర్తిదాయకం. ఆయనొక వండర్‌ఫుల్‌ మనిషి. ఆయనలా ఎవరూ ఉండరు, ఉండలేరు. రజనీ స్టైల్‌ చూస్తే మతి పోతుంది. ఆయనకు ఆయనే సాటి.

రజనీతో నటించడాన్ని నా జీవితంలోనే మరిచిపోలేను. ఎంతో ఆనందంగా, ఉత్సాహంగా భావిస్తూ ప్రతి సన్నివేశంలోనూ నటించా. నేను చూసిన నటుల్లో.. వృత్తిపట్ల రజనీకాంత్‌లా అంకితభావం ఉన్న వ్యక్తులను చూడలేదు. సెట్‌లో ప్రతి ఒక్కరినీ ఆకర్షిస్తారు.

ఆయన నడక, ఆహార్యం, స్టెల్‌, తదుపరి షాట్‌కు తనను తాను మలచుకునే తీరు, వారి నిరాడంబరత, ఇతరులతో వ్యవహరించే విధానం, అందరికీ మర్యాదనిచ్చే శైలి.. ఇలా ఎన్నో ప్రత్యేకతలు చెప్పుకుంటూ వెళ్లొచ్చు. ఒక్క మాటలో చెప్పాలంటే రజనీకాంత్‌ అద్భుతమైన వ్యక్తిత్వమున్న మనిషి. ఆయనలా ఇంకొకరు లేదు

గతంలో దక్షిణాదిన కొన్ని మాత్రమే సినిమాలు చేశాను తప్ప వాటి మీద ఎక్కువ శ్రద్ధ పెట్టలేదు. ఇక నుంచి ఉత్తరాది కన్నా దక్షిణాదినే ఎక్కువ సినిమాలు చేయాలని డిసైడ్‌ అయ్యాను. ఇప్పటి వరకూ దక్షిణాదిన ఏ సినిమా ఒప్పుకోలేదు. కథలు అయితే వింటున్నాను.