వివాహమై అప్పుడే 18 ఏండ్లు.. ఇదిగో మా సెల్ఫీ .. విష్ మీ..

తనూజ కూతురిగా పరిశ్రమలోకి

ప్రముఖ నటి తనూజ కూతురిగా 1992లో బేఖుదీ చిత్రం ద్వారా సినీ పరిశ్రమలోకి అడుగుపెట్టిన కాజోల్ తన కెరీర్ ఆరంభంలోనే భారీ విజయాలను చేజిక్కించుకున్నది. బాజీగర్ చిత్రంతో లక్షలాది మంది అభిమానుల హృదయాలను దోచుకున్నది.

ప్రారంభంలోనే సంచలన విజయాలు

యే దిల్లగి, దిల్ వాలే దుల్హనియా లేజాయంగే, గుప్త్, ప్యార్ తో హోనా హీ తా, కుచ్ కుచ్ హోతా హై, హమ్ ఆప్కే హై కౌన్, కబీ ఖుషీ కబీ ఘమ్, ఫనా, మై నేమ్ ఈజ్ ఖాన్, దిల్ వాలే లాంటి విజయవంతమైన చిత్రాల్లో నటించింది.

1999 ఫిబ్రవరి 24న అజయ్‌తో వివాహం

కెరీర్ ఉన్నత స్థాయిలో ఉండగానే అభిమానులను షాక్‌కు గురిచేస్తూ 1999 ఫిబ్రవరి 24న ప్రముఖ నటుడు అజయ్ దేవగన్‌ను వివాహం చేసుకొన్నది. ప్రస్తుతం ఈ స్టార్ దంపతులకు నైసా, యుగ్ ఇద్దరు సంతానం.

18వ వివాహా వార్షికోత్సవం..

తమ వివాహ వార్షికోత్సవాన్ని పురస్కరించుకొని దిగిన సెల్ఫీని సోషల్ మీడియాలో పోస్ట్ చేయగా పెద్ద ఎత్తున అభిమానులు శుభాకాంక్షలు తెలిపారు. వారిని అభినందించారు. ఈ సందర్భంగా ‘మాపై అభినందనలు కురిపించిన మీ అందరికీ థ్యాంక్యూ' అంటూ కాజోల్ ఓ సందేశాన్ని పోస్ట్ చేశారు.