హోమ్

న్యూస్

కళ్యాణ్ రామ్ కొత్త సినిమాలో హీరోయిన్ గా చేస్తున్న సనాఖాన్ బాలీవుడ్ లోనూ, తమిళంలోనూ కొన్ని సినిమాలు చేసి ఓవర్ ఎక్సపోజర్ నిక్ నేమ్ సంపాదించుకుంది. అవసరమున్నా లేకపోయినా ప్రతీ సన్నివేశంలోనూ తన శరీరాన్ని ఎక్సపోజ్ చేస్తూ అలరించే ప్రయత్నం చేస్తూంటంతో ఆఫర్స్ వచ్చినా అంత గొప్ప పేరయితే తెచ్చుకోలేకపోయింది. అయితే కావాలనే సనాఖాన్ అందాలని తెరపై చూపడానికి ఈమెను ఏరికోరి తీసుకున్నాడని తెలుస్తోంది. పూర్తి స్ధాయి మశాలా చిత్రంగా రూపందుతున్న ఈ చిత్రంతో సనాఖాన్ తెలుగులో ఆమె ఎంట్రీ ఏ రేంజిలో ఉంటుందో అని ఆశపడుతున్నారు. ఎందుకంటే ఆమె కూడా ఈ సినిమా చూపెట్టి తెలుగులో సెట్ అవ్వాలని ప్లాన్ చేసుకుంటోంది.

అలాగే ఈ చిత్రాన్ని అభిమన్యు మల్లి డైరక్ట్ చేస్తున్నారు. దాదాపు సినిమా పూర్తయినట్లేనని తెలుస్తోంది. శరణ్యా మోహన్ ఈ చిత్రంలో కళ్యాణ్ రామ్ చెల్లిగా చేస్తోంది. అలాగే కిక్ ఫేమ్ శ్యామ్ ఈ సినిమాలో ఓ కీలకమైన పాత్రలో కనిపించనున్నాడు. కళ్యాణ్ రామ్ ఈ సినిమా హిట్ పై మంచి నమ్మకంగా ఉన్నారు. మణిశర్మ ఈ చిత్రానికి సంగీతం అందిస్తున్నాడు. అలాగే ఈ చిత్రానికి టైటిల్ కత్తి అని నిర్ణయించారు. అయితే ఇప్పుడా టైటిల్ వివాదంలో పడింది. ప్రముఖ నిర్మాత దానయ్య ఈ 'కత్తి' టైటిల్ ని ఆల్రెడీ రిజిస్టర్ చేసారు. దాంతో కళ్యాణ్ రామ్.."కళ్యాణ్ రామ్ కత్తి" అని పెట్టడానికి నిర్చయించుకున్నాడని సమాచారం.