Click it and Unblock the Notifications
18 ఏళ్ల తర్వాత తెలుగులో వస్తున్న ‘కామసూత్ర’ (ఫోటోస్)
హైదరాబాద్: 18 ఏళ్ల క్రితం అంటే 1996లో బాలీవుడ్లో విడుదలై సంచలనం సృష్టించిన ‘కామసూత్ర-ది టేల్ ఆఫ్ లవ్' చిత్రాన్ని తాజాగా తెలుగులో విడుదల చేసేందుకు ప్లాన్ చేస్తున్నారు. ‘మీరా నాయర్ ఫిలింస్ ప్రయివేట్ లిమిటెడ్' పతాకంపై మీరా నాయర్ స్వీయ దర్శకత్వంలో రూపొందించిన ఈ ప్రతిష్టాత్మక చిత్రాన్ని తెలుగులో రుషి పిక్చర్స్ అధినేత బలరాం శర్మ విడుదల చేస్తున్నారు.
ఈ సినిమాలో మితిమీరిన శృంగార సన్నివేశాలు ఉన్నారంటూ అప్పట్లో సెన్సార్ బోర్డు ఈ చిత్రంపై నిషేదం విధించింది. పలు రాజకీయ పార్టీలు, మత సంస్థలు ఆందోళన చేసాయి. అయితే మీరా నాయర్ సుప్రీం కోర్టుకు వెళ్లి... కొన్ని కట్స్ అనంతరం ఈ సినిమాను విడుదల చేసారు.
యుక్త వయసుకు వచ్చిన స్త్రీ`పురుషులకు.. తిండి-నిద్ర తర్వాత ‘కామం' కూడా అంతే ముఖ్యం. అరవై నాలుగు కళల్లోనూ అత్యంత ముఖ్యమైన కళ ‘కామకళ'. వాత్సాయన మహర్షి రాసిన ‘కామసూత్ర గ్రంధం' ఆధారంగా దానికి కొంత కాల్పనికత జోడించి ‘కామసూత్ర' పేరుతోనే మీరా నాయర్ ఈ చిత్రాన్ని తెరకెక్కించారు.
తారాగణం
ఈ చిత్రంలో నవీన్ అండ్రూస్, ఇందిరావర్మ, రామోన్ తికారం, సరితా చౌదరి, హరీష్ పటేల్ ముఖ్య తారాగణంగా రూపొందిన ఈ చిత్రానికి ‘ఏ టేల్ ఆఫ్ లవ్' అన్నది ట్యాగ్లైన్.
కాన్సెప్టు
తార అనే రాణి, మాయ అనే రాజదాసి, రాజసింహ అనే రాజు మధ్య ఏర్పడిన ప్రేమ, కామం, మోహం, ఈర్ష్య, ద్వేషం వంటి భావోద్వేగాల తాలూకు పర్యవసానాల సమ్మేళనంతో ఈ సినిమాను తెరకెక్కించారు.
రిలీజ్ డేట్
త్వరలోనే తెలుగు రిలీజ్ డేట్ ప్రకటించనున్నారు.
వర్కౌట్ అవుతుందా?
దాదాపు రెండు దశాబ్దాల క్రితం తెరకెక్కిన సినిమా అయినప్పటికీ ఇలాంటి సినిమాలు తెలుగులో రాలేదు కాబట్టి మంచి ఆదరణ పొందుతాయని ఆశిస్తున్నారు.
Continue with Google