చచ్చిపోతే ఎవరు బాద్యులు.. ప్రియదర్శికి హార్ట్ ఎటాక్ తెప్పించిన తమ్ముడు..

Published: Sunday, January 10, 2021, 15:02 [IST]

టాలీవుడ్ ఇండస్ట్రీలో బెస్ట్ కమెడియన్ గా క్రేజ్ అందుకుంటున్న వారిలో ప్రియదర్శి ఒకరు. షార్ట్ ఫిలిమ్స్ ద్వారా మంచి క్రేజ్ అందుకొని ఆ తరువాత కమెడియన్ గానే కాకుండా పలు రకాల సపోర్టింగ్ రోల్స్ తో కూడా మెప్పిస్తున్నాడు. ఇక మనోడికి సోషల్ మీడియాలో కూడా క్రేజ్ గట్టిగానే ఉంది. మల్లేశం సినిమా లేటుగా చూసిన వారు కూడా ప్రియదర్శి నటనపై ఆసక్తికరమైన వ్యాఖ్యలు చేస్తున్నారు. ఇక ఇటీవల ఒక నెటిజన్ కామెంట్ కు ప్రియదర్శికి హార్ట్ ఎటాక్ వచ్చిందట.

ఆ సినిమాకు ఇంకా ప్రశంసలు అందుతూనే ఉన్నాయి

ప్రియదర్శి సినిమాలు చేసినా అలాగే వెబ్ సిరీస్ లు చేసినా కూడా రెస్పాన్స్ మామూలుగా రావడం లేదు. మల్లేశం సినిమా నెట్ ఫ్లిక్స్ లో గత ఏడాది మంచి వ్యూవ్స్ ను అందుకుంది. ఇప్పటికి ఆ సినిమాపై పాజిటివ్ కామెంట్స్ అందుతున్నాయి. ప్రియదర్శి కూడా సోషల్ మీడియాలో ప్రతి నెటిజన్ కామెంట్ కు థాంక్స్ చెబుతున్నాడు.

కంబాలపల్లి కథలు..

అయితే ప్రస్తుతం ప్రియదర్శి మరోక ఇంట్రెస్టింగ్ టాపిక్ తో ఆకట్టుకుంటున్నాడు. ఆహా యాప్ లో స్వప్న సినిమాస్ ప్రొడక్షన్ నుంచి వస్తున్న కంబాలపల్లి కథలు అనే వెబ్ సిరీస్ ట్రైలర్ ను ఇటీవల రిలీజ్ చేశారు. గ్రామాల్లోకి మొదటిసారి కంప్యూటర్ మెయిల్స్ వంటివి వచ్చినప్పడు ఆ వాతావరణాన్ని ఇందులో చూపించబోతున్నారు.

పోలీస్ స్టేషన్ లో FIR ఫైల్ చేస్తాం

చాప్టర్ 1 మెయిల్.. టీజర్ కు అలాగే ట్రైలర్ కు కూడా పాజిటివ్ రెస్పాన్స్ వచ్చింది. ఒక నెటిజన్ సరదాగా కామెంట్ చేయడం ప్రియదర్శిని కూడా ఎట్రాక్ట్ చేసింది. అన్నా నీ పైన వైజాగ్ పోలీస్ స్టేషన్ లో FIR ఫైల్ చేస్తాం. నవ్వి నవ్వి చచ్చిపోతే ఎవరు బాద్యులు? అంటూ డిఫరెంట్ గా ట్వీట్ చేస్తూ మెయిల్ సినిమా కోసం ఆసక్తిగా ఎదురుచూస్తున్నట్లు కామెంట్ చేశారు.

హార్ట్ ఎటాక్ వచ్చింది తమ్ముడు..

ఇక ఆ నెటిజన్ కామెంట్ కు ప్రియదర్శి కూడా పాజిటివ్ గా స్పందించాడు. అబ్బా.. ఫస్ట్ లైన్ తో హార్ట్ ఎటాక్ వచ్చింది తమ్ముడు.. అందరికి చాలా థాంక్స్ అంటూ ట్వీట్ చేశాడు. ప్రస్తుతం ఈ ట్వీట్స్ సోషల్ మీడియాలో వైరల్ అవుతున్నాయి. ప్రియదర్శికి పవర్ స్టార్ ఫ్యాన్స్ నుంచి కూడా ఈ మధ్య ఫాలోయింగ్ గట్టిగానే పెరుగుతున్నట్లు కామెంట్స్ ను చూస్తేనే అర్ధమవుతోంది.